سانحہ آرمی پبلک اسکول کو 11 سال کا عرصہ بیت گیامگر والدین کا غم آج بھی تازہ
اے پی ایس کے بچوں کی قربانی قوم کبھی فراموش نہیں کرے گی اور دہشت گردوں، ان کے سہولت کاروں اور مالی معاونین سے کسی قسم کی نرمی نہیں کی جائے گی،صدر مملکت


ویب ڈیسک: 16 دسمبر کا دن پاکستان بھر کے شہریوں کے لیے غم و اندوہ کا دن ہے، جب سال 2014 میں آرمی پبلک اسکول پشاور میں دہشت گردوں نے حملہ کر کے 132 معصوم بچوں، اساتذہ اور دیگر عملے کے افراد سمیت مجموعی طور پر 147 جانیں لی تھیں۔
سیکیورٹی فورسز نے آپریشن کر کے کالعدم ٹی ٹی پی کے 6 دہشت گردوں کو ہلاک جبکہ حملے میں ملوث 6 دہشت گردوں کو گرفتار بھی کیا تھا جنہیں بعد ازاں موت کی سزائیں سنائی گئی تھیں۔
اس سانحے نے نہ صرف پشاور بلکہ پورے ملک کو غم کے سائے میں ڈبو دیا تھا اور آج بھی اس واقعے کا زخم عوام کے دلوں میں تازہ ہے،ملک بھر میں سانحہ آرمی پبلک اسکول کی یاد میں آج دعائیہ تقریبات کا انعقاد کیا جا رہا ہے۔ پشاور میں والدین اور لواحقین نے اپنے شہید بچوں کو خراجِ عقیدت پیش کرنے کے لیے ریلی نکالی۔
ڈیفنس کے علاقے سے شروع ہونے والی ریلی آرمی پبلک اسکول تک جاری رہی، جہاں والدین نے اپنے شہید بچوں کی تصاویر اٹھا رکھی تھیں اور آنکھوں میں آنسو لیے انصاف اور امن کے پیغام کے ساتھ مارچ کیا۔
اس موقع پر والدین نے صحافیوں سے گفتگو کرتے ہوئے کہا کہ 16 دسمبر صرف ایک تاریخ نہیں بلکہ وہ دن ہے جو قوم کو یاد دلاتا ہے کہ دہشت گردی نے ہم سے ہمارا مستقبل چھیننے کی کوشش کی۔
انہوں نے کہا کہ آج بھی پشاور کے شہری اپنے بچوں کو یاد کرتے ہیں اور ان کے لیے دعائیں کرتے ہیں۔
دوسری جانب اس موقع پر صدر آصف علی زرداری اور وزیراعظم شہباز شریف نے بھی اپنے پیغامات میں سانحہ اے پی ایس کے معصوم بچوں، اساتذہ اور عملے کو خراجِ عقیدت پیش کیا۔
صدر مملکت نے کہا کہ اے پی ایس کے بچوں کی قربانی قوم کبھی فراموش نہیں کرے گی اور دہشت گردوں، ان کے سہولت کاروں اور مالی معاونین سے کسی قسم کی نرمی نہیں کی جائے گی۔
انہوں نے واضح کیا کہ ریاست کے خلاف ہتھیار اٹھانے والوں سے بات چیت ممکن نہیں اور بھارتی سرپرستی میں دہشت گردی کی سخت مذمت کی جاتی ہے۔ صدر نے کہا کہ امن کے دشمنوں کو کبھی کامیاب نہیں ہونے دیا جائے گا۔
وزیراعظم شہباز شریف نے اپنے بیان میں کہا کہ ہم ان معصوم بچوں، اساتذہ اور عملے کی قربانی کو کبھی نہیں بھولیں گے۔ انہوں نے کہا کہ یہ قربانی ہمیں دہشت گردی کے خاتمے کی اجتماعی ذمہ داری کی یاد دلاتی رہے گی۔

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 12 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 14 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 13 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 12 days ago

پولیس افسران کی ترقیوں کے خلاف پنجاب حکومت کی اپیلیں خارج
- 13 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 12 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 13 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 13 days ago
پہلے ایل پی جی اوراب بجلی بم گرا دیا گیا
- 13 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 12 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 14 days ago

پیٹرول اور ڈیزل کی قیمتوں میں کمی کا اعلان
- 15 days ago



