پاکستان
سپرٹینڈنٹ جیل اڈیالہ نے چیئرمین پی ٹی آئی کی بیٹوں سے بات کرانے سے معذرت
آفیشل سیکریٹ ایکٹ کے ملزمان کو پی سی اوکی سہولت میسرنہیں، جیل سپرٹینڈنٹ کا عدالت میں جواب
![سپرٹینڈنٹ جیل اڈیالہ نے چیئرمین پی ٹی آئی کی بیٹوں سے بات کرانے سے معذرت](/media/85568/conversions/08110633e5dcab4-1280x720.jpg)
سپرٹینڈنٹ جیل اڈیالہ نے چیئرمین پی ٹی آئی کی بیٹوں سے بات کرانے سے معذرت کر لی،جیل سپرٹینڈنٹ نے عدالت میں جواب جمع کرا دیا۔
آفیشل سیکرٹ ایکٹ عدالت کے جج کی رخصت کے باعث سپرٹینڈنٹ جیل اڈیالہ کے خلاف توہین عدالت کی درخواست بغیرکارروائی ملتوی کردی گئی۔
سپریڈنٹ اڈیالہ جیل نے اپنا جواب جمع کرایا جس میں چئیرمین پی ٹی آئی کی بیٹوں سےبات کروانے سے معذرت کرتے ہوئے توہین عدالت کی درخواست خارج کرنے کی استدعا کی گئی۔
جج ابو الحسنات ذوالقرنین کے رخصت کے باعث چیئرمین پی ٹی آئی کی فون پربیٹوں کے ساتھ بات نہ کروانے کی توہین عدالت کیس کی سماعت نہ ہوسکی۔
سپرٹینڈنٹ اڈیالہ جیل نے اپنے جواب میں عمران خان کی ان کےبیٹوں سے بات کروانے سے معذرت کرتے ہوئے کہاکہ 18 اکتوبرکوخصوصی اقدامات کرکے بات کروائی گئی،تاہم واٹس ایپ پربیرون ملک مستقل بات کرنے کی سہولت موجود نہیں ہے۔
جواب میں کہا گیا ہے کہ جیل رولزمیں تبدیلی کے لیے عدالت محکمہ داخلہ پنجاب کوترمیم کی ہدایت کرسکتی ہے،جیل پی سی او کے ذریعے فیملی اوروکلاء سے قیدیوں کی بات کی سہولت دی جاتی ہے ۔ آفیشل سیکریٹ ایکٹ کے ملزمان کو پی سی اوکی سہولت میسرنہیں۔
سپرنٹنڈنٹ جیل نے جواب میں مزید کہا کہ عدالت کی حکم عدولی کے بارے میں سوچ بھی نہیں سکتا، توہین عدالت کی درخواست خارج کی جائے ۔
عدالت نے بغیرکسی کارروائی کے سماعت پیر 13 نومبر تک ملتوی کردی۔
علاقائی
کراچی سمیت صوبے کے مختلف شہروں میں ڈبل سواری پر پابندی عائد
حکومت سندھ نے سکیورٹی کی پیش نظر عید میلاد النبی اور چپ تعزیہ کے موقع پرڈبل سواری پر پابندی کا نوٹی فکیشن جاری کیا
![کراچی سمیت صوبے کے مختلف شہروں میں ڈبل سواری پر پابندی عائد](/media/118041/conversions/Capture-1280x720.jpg)
حکومت سندھ نے سیکیورٹی کی پیش نظر عید میلاد النبی اور چپ تعزیہ کے موقع پر کراچی سمیت صوبے کے مختلف شہروں میں موٹرسائیکل کی ڈبل سواری پر پابندی کا نوٹی فکیشن جاری کردیا۔
نوٹی فکیشن کے مطابق آئی جی کی درخواست پرمحکمہ داخلہ سندھ کی جانب سے پابندی عائد کی گئی۔
نوٹی فکیشن کے مطابق کراچی سمیت حیدرآباد، لاڑکانہ اور سکھر میں 13سے17ستمبر تک ڈبل سواری پر پابندی لگائی گئی ہے۔
دنیا
چین کے وزیراعظم لی کیانگ سعودی عرب کے دورے کے بعد متحدہ عرب امارات پہنچ گئے
متحدہ عرب امارات کی خبر ایجنسی کے مطابق چینی وزیراعظم کی ابوظبی میں اماراتی صدر شیخ محمد بن زاید النیہان سے ملاقات ہوئی
![چین کے وزیراعظم لی کیانگ سعودی عرب کے دورے کے بعد متحدہ عرب امارات پہنچ گئے](/media/118083/conversions/1387115_3329018_Chinese-pm_updates-1280x720.jpg)
چین کے وزیراعظم لی کیانگ دورۂ سعودی عرب کے بعد متحدہ عرب امارات (یو اے ای) پہنچ گئے۔
متحدہ عرب امارات کی خبر ایجنسی کے مطابق چینی وزیراعظم کی ابوظبی میں اماراتی صدر شیخ محمد بن زاید النیہان سے ملاقات ہوئی۔
تفصیلات کے مطابق ملاقات میں دونوں رہنماؤں کے درمیان باہمی اسٹریٹیجک شراکت داری پر تبادلہ خیال ہوا۔
واضح رہے کہ اس سے پہلے چینی وزیر اعظم نے سعودی عرب میں ولی عہد شہزادہ محمد بن سلمان کے ساتھ سعودی چین جوائنٹ کمیٹی کے چوتھے اجلاس کی سربراہی کی تھی ۔
پاکستان
پی آر آر کے الیکٹرانک انوائس مانیٹرنگ سسٹم کی تنصیب ناکرنے والوں کو جرمانے عائد
پی آر اے نے الیکٹرانک انوائس مانیٹرنگ سسٹم کی تنصیب نا کرنے والوں کو شوکاز نوٹس جاری کیے تھے
![پی آر آر کے الیکٹرانک انوائس مانیٹرنگ سسٹم کی تنصیب ناکرنے والوں کو جرمانے عائد](/media/118088/conversions/73191_36579154-1280x720.jpg)
پی آر آر نے الیکٹرانک انوائس مانیٹرنگ سسٹم کی تنصیب نا کرنے والوں کو بھاری جرمانے عائد کرنے کا عمل شروع کر دیا ۔
تفصیلات کے مطابق چیئرمین پی آر اے نعمان یوسف کی ہدایت پر فائیو سٹار ہوٹلز کو جرمانے عائد کر دیے گئے ، تمام فائیو سٹار ہوٹلز کو ایک ایک لاکھ کے جرمانے عائد کیے گئے۔
جرمانہ عائد کرنے کے بعد تمام فائیو سٹار ہوٹلز کو سسٹم انسٹال کرنے کیلئے ایک ماہ کا وقت فراہم کیا گیا، مقرر کردہ وقت کے باوجود الیکٹرونک سسٹم کی تنصیب نا کرنے کی صورت میں دوگنا جرمانہ عائد کیا جائے گا۔
پی آر اے نے الیکٹرانک انوائس مانیٹرنگ سسٹم کی تنصیب نا کرنے والوں کو شوکاز نوٹس جاری کیے تھے ، متعدد بار یاد دہانی اور معلوماتی سیشنز منعقد کرنے کے باوجود سسٹم کی تنصیب نا کی گئ ۔
ریسٹورینٹس میں سسٹم کی تنصیب کے باوجود رسیدوں کا اجراء نا کرنے والوں کو بھی انتباہ جاری کی گئ ، 60 لاکھ سالانہ یا زائد آمدن والے ریسٹورنٹس کو الیکٹرانک انوائس مانیٹرنگ سسٹم کی تنصیب کروانا لازمی قرار دیا گیا تھا۔
-
تجارت ایک دن پہلے
سونا تاریخ کی بلند ترین سطح پر پہنچ گیا!
-
ٹیکنالوجی ایک دن پہلے
یو ٹیوب نے نئے اے آئی ٹولز متعارف کروانے کا اعلان کر دیا
-
پاکستان ایک دن پہلے
پارلیمنٹ سےگرفتاریوں کا معاملہ، ساجنٹ ایٹ آرمز سمیت 5 سکیورٹی اہلکار معطل
-
کھیل ایک دن پہلے
پی سی بی کی جانب سے انڈر 16 سکول ٹورنامنٹ کے سلسلے میں ٹرائل منعقد
-
دنیا ایک دن پہلے
امریکی صدارتی انتخابات: ڈونلڈ ٹرمپ اور کملا ہیرس کے درمیان پہلا مباحثہ
-
موسم ایک دن پہلے
صوبائی دارالحکومت لاہور میں سورج اور بادلوں کی آنکھ مچولی
-
پاکستان ایک دن پہلے
ملک میں وی پی اینز کو بلاک نہیں کیا جا رہا، پی ٹی اے
-
تجارت ایک دن پہلے
اسلام آباد کے بجلی صارفین 14 روپے فی یونٹ ریلیف سے محروم