پاکستانی خواتین نے ہر شعبہ زندگى میں نام کمایا ہے ،نیلوفر بختیار

اسلام آباد: نیشنل کمیشن آن دی اسٹیٹس آف وویمن (این سی ایس ڈبلیو ) کی چیئرپرسن نیلوفر بختیار نے کہ ہے کہ پاکستانی خواتین ملکی آبادی کا نصف سے زیادہ ہیں، پاکستانی خواتین نے ہر شعبہ زندگى میں نام کمایا ہے ،یہ خواتین سیاست بھی کرنا جانتی ہیں اور بینظیر بھٹو کی صورت وزیراعظم بن کر ملک بھی چلا سکتی ہیں ۔نیشنل کمیشن آن دی اسٹیٹس آف وویمن سے جاری پریس ریلیز کے مطابق ان خیالات کااظہارانہوں نے او آئی سی کی کانفرس “وومن ان اسلام” سے خطاب کرتےہوئے کیا۔

نیلوفر بختیا نے پاکستانی وفد کے ہمراہ جدہ میں او آئی سی کی کانفرس “وومن ان اسلام” میں شرکت کی۔ تین روزہ کانفرنس کے انعقاد کا مقصد مسلم خواتین کی تاریخی اور عصر حاضر میں کامیابیوں کو خراج تحسین پیش کرنا تھا۔ کانفرنس سے خطاب کرتےہوئے این سی ایس ڈبلیو کی چیئرپرسن نے پاکستانی خواتین کے بلند حوصلے اور عزم کو دہرایا۔ انہوں نے کہا کہ پاکستانی خواتین ملکی آبادی کا نصف سے زیادہ ہیں۔

پاکستانی خواتین نے ہر شعبہ زندگى میں نام کمایا ہے ۔ نیلوفر بختیار نے کہا کہ یہ خواتین سیاست بھی کرنا جانتی ہیں اور بنظیر بھٹو کی صورت وزیراعظم بن کر ملک بھی چلا سکتی ہیں ۔ خواتین نے بدترین سماجی و معاشی حالات کے ساتھ حوصلے سے سیلاب، زلزلے اور وبا کو بھی جھیلا ہے۔

غزہ میں ڈھائے جانے والے مظالم جسکا بڑا شکار بچے اور خواتین ہیں نہایت تشویشناک ہیں ۔ تاریخ کبھی ان مظالم پر انسانی حقوق کے ان علمبرداروں کو فراموش نہیں کرے گی جو آج خاموش تماشائی بنے ہوئے ہیں ۔