سپریم کورٹ کا پرویز مشرف کی سزا کے خلاف تحریری حکم نامہ جاری

اسلام آباد: سپریم کورٹ نے ہفتہ کو سابق صدر پرویز مشرف کی سزا کے خلاف اپیل کی سماعت کا تحریری حکم جاری کردیا۔

سپریم کورٹ کے تحریری حکم نامے کے مطابق اپیل ہر مجرم کا حق ہے، تین سال آٹھ ماہ بعد اپیل سماعت کے لیے مقرر ہونا بدقسمتی ہے۔

سپریم کورٹ نے کہا کہ چیمبر کے احکامات کے باوجود اعتراضات کے خلاف اپیل پر سماعت نہیں ہوئی اور درخواست گزار کی موت ہوگئی۔ عدالت میں موجود کسی ایڈیشنل اٹارنی جنرل اور سینئر وکلاء نے اپیل پر اعتراض نہیں کیا۔ رجسٹرار کے اعتراضات کے خلاف پرویز مشرف کی اپیل منظور کر لی گئی۔

فیصلے میں کہا گیا کہ پرویز مشرف کے وکیل سلمان صفدر کے مطابق وہ اپنی بیوہ اور بچوں سے رابطے میں ہیں۔ اپیل پر فیصلہ آنے کے بعد وہ سابق صدر کے اہل خانہ سے ہدایات لیں گے۔ سابق صدر کی سزائے موت کے خلاف اپیل پر سماعت 21 نومبر کو ہوگی۔