Advertisement
پاکستان

پاکستان کی ترقی میں اقلیتی برادری نے اہم کردار ادا کیا ، چیئرمین علماء کونسل

غزہ میں فلسطینی مسلمانوں کے ساتھ ساتھ عیسائی بھی دہشت گردی کا نشانہ بن رہے ہیں،طاہر اشرفی

GNN Web Desk
شائع شدہ 3 سال قبل پر نومبر 12 2023، 8:43 شام
ویب ڈیسک کے ذریعے
پاکستان کی ترقی میں اقلیتی برادری نے اہم کردار  ادا کیا ، چیئرمین علماء کونسل

مشرق وسطی اور اسلامی ممالک میں مذہبی ہم آہنگی اور تارکین وطن کی سہولت کے لئے وزیراعظم کے نمائندہ خصوصی و پاکستان علماء کونسل کے چیئرمین حافظ طاہر محمود اشرفی نے کہا ہے کہ پاکستان کی ترقی میں اقلیتی برادری نے اہم کر دار ادا کیا ہے ،تمام مذاہب کے قائدین امن کا پیغام دے رہے ہیں،غزہ پر اسرائیلی بمباری کو فی الفور روکا جائے ۔

نولکھاچرچ میں پریس کانفرنس سے خطاب کرتے ہو ئے طاہر محمود اشرفی نے کہا کہ بین المذاہب ہم آ ہنگی پاکستان کی ترقی کی بنیاد ہے،اقلیتوں کا ملک کی ترقی میں اہم کر دار ہے،پاکستان مختلف مسالک کا ملک ہے ، پاکستان اس لئے معرض وجود میں آیا کہ برصغیر میں کمزور لوگ اقلیت کو حق نہیں مل رہا تھا، پنجاب پاکستان کا اس لئے حصہ ہے کہ غیر مسلموں نے پاکستان کے حق میں ووٹ دیا۔انہوں نے کہا کہ ہم اعتراف کرتے ہیں ملک کے تعلیم و صحت کے شعبوںمیں مسیحیوں نے بہت بڑا کردار ادا کیا ہے،میرا بیٹا خود ایف سی یونیورسٹی میں پڑھتا ہے، وزیر اعلی پنجاب محسن نقوی بھی ہسپتالوں میں بہتری لانے کیلئے موثر اقدامات کررہے ہیں ۔

 

انہوں نے کہا کہ ہمیں افسوس ہے کہ غزہ میں فلسطینی مسلمانوں کے ساتھ ساتھ عیسائی بھی دہشت گردی کا نشانہ بن رہے ہیں، غزہ کے الشفاہسپتال میں عیسائی ڈاکٹرز اور نرسز بھی خدمات سرانجام دے رہی ہیں اور انہوں نے جنگ کی حالت میں بھی فلسطین کو نہیں چھوڑا، غزہ میں اب تک 35 سو سے زائد بچے شہید ہو چکے ہیں۔

 

انہوں نے کہا کہ ہم ہر اس انسان کو جو اس وقت مظلوم کے ساتھ کھڑا ہے اسے سلام پیش کرتے ہیں۔ انہوں نے کہا کہ پاکستان میں تمام مذاہب کے قائدین انسانیت کا درس اور امن کا پیغام دیتے ہیں، ہم مسیحی برادری سے اپیل کرتے ہیں کہ دنیا میں ا من قائم کرنے کیلئے آگے بڑھیں ،دنیا کو جنگوں کی نہیں بلکہ امن اورمذہبی مکالمے کی ضرورت ہے ، غزہ میں خون خرابے کی وجہ سے گیارہ ہزار کے قریب افراد شہید ہو چکے ہیں۔ انہوں نے کہا کہ گزشتہ دنوں اسلامی تعاون تنظیم کااجلاس سعودی عرب میں منعقد ہوا اس کے تمام فیصلوں کی ہم تائید کرتے ہیں۔

انہوں نے کہا کہ اسلام مذہب کے نام پر دہشت گردی کرنے والوں کی حوصلہ شکنی کرتا ہے، مذہب کا استعمال ذاتی مقاصد کیلئے نہیں ہونا چاہیے، لہذا ہم چاہتے ہیں کہ کسی بے گناہ کے خلاف کوئی مقدمہ درج نہ ہو۔ انہوں نے کہا کہ پاکستان کا آئین کہتا ہے کہ ہم سب ایک ہیں اورمل کر پاکستان میں تعلیم،امن، صحت و مکالمہ کو فروغ دیں۔

طاہر اشرفی نے کہا کہ جب شانتی نگر، رمشہ مسیحی اور جڑانوالہ واقعہ رونما ہوا تو مسلمانوں اور ریاست نے اپنے مسیحی بھائیوں کے ساتھ کھڑے ہوکردنیا کو یہ پیغام دیا کہ ہم مظلوم کے ساتھ ہیں اور ظلم نہیں ہونے دیں گے، ہمیں اس وقت آپس میں نفرتوں کوکم کرنے کی ضرورت ہے، سانحہ جڑانوالہ پر جو کچھ ہوا ہم اس پر شرمندہ ہیں لیکن وہ لوگ جنہوں نے سانحہ جڑانوالہ میں منفی کردار ادا کیا وہ میرے وطن و مذہب کی نمائندگی نہیں کرتے وہ جہالت کے نمائندہ ہیں۔

 

نمائندہ خصوصی نے کہا کہ مسیحی مسلم برادری نے مل کر سرگودھا ،سیالکوٹ اور لالہ موسی میں شر پسند عناصر کی جانب سے مذہبی منافرت پیدا کرنے کی مذموم سازش کو ناکام بنا دیا۔ ایک سوا ل کے جواب میں انہوں نے کہا کہ او آ ئی سی کے اجلاس میں حرمین شریف نے پوری امت کو متحد کرکے ایک قائدانہ کردار ادا کیا ہے ،12 سال کے بعد ایرانی صدر سعودی عرب پہنچے وہ مکالمے ہی کی مرہون منت ہے وہاں پر جو فیصلے ہوئے اس کے مثبت نتائج جلد دنیا کے سامنے آجائیں گے۔

 

Advertisement
پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام

  • a day ago
متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز  زیر بحث

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث

  • 2 days ago
شعیب ایوب بٹالوی کی موٹیویشنل تقریر نے حاضرین کے دل جیت لیے

شعیب ایوب بٹالوی کی موٹیویشنل تقریر نے حاضرین کے دل جیت لیے

  • 2 days ago
فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ

  • 2 days ago
پیٹرول اور ڈیزل کی نئی قیمتوں کا اعلان

پیٹرول اور ڈیزل کی نئی قیمتوں کا اعلان

  • 2 days ago
نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ

  • 2 days ago
پاکستان میں  فی تولہ سونا  ہزاروں  روپے سستا ہوگیا

پاکستان میں فی تولہ سونا ہزاروں روپے سستا ہوگیا

  • a day ago
پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر

  • a day ago
پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا

  • 14 days ago
الزامات کی بجائے  خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو

  • a day ago
دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار

  • 2 days ago
وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ

  • 14 days ago
Advertisement