’ہر رات بیوی کے پاؤں دبا کر سوتا ہوں ‘،اداکار احمد حسن کے بیان نے سوشل میڈیا پر ہلچل مچادی

ویب ڈیسک: پاکستانی اداکار و ہدایتکار احمد حسن نے ایک ٹی وی شو میں شرکت کے دوران انکشا ف کیا کہ وہ روز رات کو اپنی بیوی کے پاؤں دبا کر سوتے ہیں ۔

حال ہی میں دونوں میاں بیوی ایک نجی ٹی وی کے انٹرٹینمنٹ شو میں مہمان بنے۔ شو کے دوران احمد حسن نے بتایا، ”میرا روز کا معمول ہے کہ میں سونے سے پہلے اپنی بیوی کے پاؤں دباتا ہوں۔ اس سے اسے سکون ملتا ہے اور مجھے برکت حاصل ہوتی ہے ۔

انہوں نے مزید کہا کہ وہ ایک فرمانبردار شوہر ہیں اور یہ عمل انہیں روحانی طور پر اطمینان دیتا ہے۔ میزبان نے مذاقاً اانکی اہلیہ نوشین سے گواہی بھی طلب کی، جس پر نوشین نے ہنستے ہوئے کہا، ”ظاہر ہے وہ ایسا کریں گے، آخر وہ میرے شوہر ہیں‘‘۔

احمد حسن کے اس بیان پر انٹرنیٹ پر لوگوں نے خوب تبصرے کیے۔ کچھ صارفین نے اسے مزاح کا رنگ دیا اور کچھ نے اس پر تنقید کی ۔
 مرد صارفین نے اسے ”ذاتی معاملہ“ قرار دے کر ٹی وی پر بات کرنے کو غیر ضروری کہا۔ کچھ نے یہاں تک کہہ دیا کہ ”بیوی کی خدمت ٹھیک ہے، لیکن یہ حد سے زیادہ ہے‘‘۔

جبکہ دوسری جانب خواتین صارفین نے اس عمل کو سراہے بغیر نہ رہ سکیں۔ کسی نے لکھا، “یہی تو اصل محبت ہے! تو کسی نے کہا، ”کاش میرے شوہر بھی اتنی محبت والے ہوں۔“