ملک میں غیر قانونی طور پر مقیم غیر ملکیوں کو واپس بھجوایا جا رہا ہے، نگران وزیر داخلہ

نگران وفاقی وزیر داخلہ سرفراز بگٹی نے کہا ہے کہ ملک میں غیر قانونی طور پر مقیم غیر ملکیوں کو واپس بھجوایا جا رہا ہے، افغان پناہ گزینوں کے خلاف کوئی کریک ڈائون نہیں ہو رہا۔

پیر کو ایوان بالا کے اجلاس میں سینیٹر شفیق ترین، سینیٹر طاہر بزنجو اور سینیٹر حاجی ہدایت کی تحریک میں اٹھائے جانے والے نکات کا جواب دیتے ہوئے کیا۔

انہوں نے کہا کہ اس تحریک میں افغان مہاجرین کا لفظ استعمال کیا گیا ہے جو کہ درست نہیں ہے، ملک میں غیر قانونی طور پر مقیم غیر ملکیوں کو واپس بھجوایا جا رہا ہے، جن لوگوں کے پاس افغان کارڈ یا دیگر قانونی کاغذات ہیں ان کے خلاف کوئی ایکشن نہیں لیا جا رہا۔