ملک میں بھی پٹرولیم مصنوعات کی قیمتوں میں کمی کا امکان

عالمی مارکیٹ میں خام تیل کی قیمتوں میں کمی کے بعد ملک میں بھی پٹرولیم مصنوعات کی قیمتوں میں کمی کا امکان ہے۔

ذرائع کے مطابق 15 نومبر سے ڈیزل کی قیمت میں 8 روپے فی لیٹر تک کمی کا امکان ہے جبکہ پٹرول کی قیمت میں 2 روپے فی لیٹر تک کمی متوقع ہے۔

ذرائع کا کہنا ہے کہ مٹی کے تیل کی قیمت میں ساڑھے 4 روپے فی لیٹر کمی کا امکان ہے جبکہ لائٹ ڈیزل کی قیمتوں میں بھی 16 روپے 50 پیسے فی لیٹر تک کمی ہو سکتی ہے۔

ذرائع کے مطاب اوگرا نے قیمتوں کے متعلق سمری پر کام شروع کر دیا ہے اور سمری 15 نومبر کو وزرات پٹرولیم کو بھجوائے گی، وزیر خزانہ وزیراعظم سے مشاورت کے بعد قیمتوں کی حتمی منظوری دے گی

گزشتہ 10 روز میں پٹرول زیادہ سے زیادہ 92 ڈالر فی بیرل میں درآمد کیا گیا ہے، عالمی مارکیٹ میں ڈیزل کی قیمت 111 ڈالر 68 سینٹ فی بیرل تک رہی ہے۔ عالمی منڈیوں میں خام تیل کی قیمتوں میں اوسطا 5 ڈالر فی بیرل کمی آئی ہے۔