برطانوی وزیراعظم رشی سونک نے وزیر داخلہ کو عہدے سے ہٹا دیا

برطانوی وزیراعظم رشی سونک نے وزیر داخلہ کو عہدے سے ہٹا دیا۔ رشی سونک پر وزیر داخلہ سویلا بریورمین کی برطرفی کے لئے دباؤ تھا۔ 

غیر ملکی میڈیا کے مطابق برطانوی وزیراعظم رشی سونک نے اپنی کابینہ میں بطور وزیر داخلہ ذمہ داریاں انجام دینے والی سویلا بریورمین کو وزارت سے برطرف کردیا ہے۔

میڈیا رپورٹس میں کہا گیا ہےکہ برطانوی وزیر داخلہ کی برطرفی کابینہ میں بڑے ردو بدل  کا آغاز ہے جب کہ سویلا کو ملک میں فلسطینیوں کے حق میں ہونے والے مارچ سے نمٹنے کی حکمت عملی پر تنقید کا سامنا تھا۔  وزیراعظم رشی سونک نے سویلا کو فوری طور پر عہدہ چھوڑنے کا کہا جسے انہوں نے قبول کرلیا۔

واضع رہے کہ سویلا بریورمین نے فلسطینیوں کے حق میں مظاہرے نہ روکنے پر لندن پولیس پر تنقید کی تھی۔سویلا بریورمین نے فلسطینیوں کے حق میں مظاہرین کے سڑکوں پر نکلنے کو ناپسندیدہ قرار دیا تھا۔