تھرپارکرمیں معاش کیلئے سماجی اقتصادی پیکج ناگزیرہے

وفاقی وزیربرائے غذائی تحفظ وتحقیق ڈاکٹرکوثرعبداللہ ملک نے کہاہے کہ تھرپارکرمیں معاش کیلئے سماجی اقتصادی پیکج ناگزیرہے،ماہر نباتات،ماہرحیوانات اورتکنیکی ماہرین کواس پرمل بیٹھ کرتوانائی صرف کرنا ہوگی،انٹرنیشنل یونین فار کنزرویشن آف نیچر ایک علمی وتحقیق پلیٹ فارم ہے جس کے تعاون سے ہم ماحول میں کئی مشکلات حل نکال سکتے ہیں۔انہوں نے نجی شعبے میں ماحولیات کے حوالے اقدامات اوردلچسپی پرخراج تحسین پیش کرتے ہوئے کہاکہ پاکستان کے بعض مقامات پرپانی کوگندی سے آلودہ کیاجارہاہے،پانی میں گندگی کے ڈھیرنظرآرہے ہوتے ہیں جس کے ہمارے ماحول پر مضمراثرارت مرتب ہورہے ہیں تاہم اس ضمن میں تمام متعلقین سنجیدگی سے اقدامات اٹھائیں۔

ان خیالات کا اظہارانہوں نے اسلام آباد میں انٹرنیشنل یونین فارکنزرویشن آف نیچرکے زیراہتمام ایکلوجیکل بیس لائن سروے رپورٹ تھرپارکرلانچ کرنے کے حوالے سے منعقدہ تقریب میں بحیثیت مہمان خصوصی خطاب کرتے ہوئے کیا۔اس موقع پرملکی نمائندہ برائے آئی یو سی این پاکستان محموداخترچیمہ،سابقہ سینیٹر جاوید جبار،پروفیسر زیڈ بی مرزا،ڈاکٹرمظفر حسین سیروھی اورچیف ایگزیکٹیوآفیسرسندھ ایگرکول مائننگ کمپنی عامراقبال بھی موجودتھے۔

وفاقی وزیرنے پانی آلودہ کرنے پربعض عناصرپربرہمی کااظہارکرتے ہوئے کہاکہ اس خطے کی صفائی اورماحول کوصاف ستھرارکھنے کیلئے کسی مسیحاکاانتظارنہ کریں یہ ہمارا خطہ ہے اورہم ہی اس کو گنداور آلودگی سے صاف رکھیں گے،جوگندگی ہم پھینک رہے ہیں اس کامنفی اثرکہیں نہ کہیں لازمی ہوتاہے اوراس سے ہماری زندگی بری طرح متاثرہورہی ہے اورسموگ کی وجہ سے سکول بندہونااوربچوں کی تعلیم میں خلل آنااسکی مثال ہے۔

وفاقی وزیرودیگرشرکاء کوتھرپارکرمیں ایکلوجیکل بیس لائن کے حوالے سے بریفنگ دیتے ہوئے آگاہ کیاگیا کہ زراعت اورمویشیوں کی پرورش تھرپارکرکے لوگوں کی آمدنی کی بنیادی ذرائع کے طورپرکام کرتی ہے، تھرپارکرڈسٹرکٹ تقریباً 2000 سکوئیرکلومیٹرزمین پرمحیط ہے جوسات ڈویژن پرمشتمل ہے،95فیصدعلاقہ ریت سے ڈھکاہواہے،کارونجھرپہاڑیاں اورآبی ذخائر اس خطے مزیدخوبصورت بناتے ہیں،2017کے مطابق تھرپارکرکی آبادی1.64ملین تھیں،سالانہ آبادی میں اضافے کی شرح3.14فیصدہے اورتقریباً83.8افرادفی مربع کلومیٹرمیں رہائش پذیرہیں، پرندوں کے سروے کیلئے تھرپارکرمیں 800سے1200میٹرکے درمیان50ٹرانسکٹ رکھے گئے ہیں۔