لاہور : موسم کی خرابی اور ایک نجی ایئر لائن کے انتظامی بحران کے باعث ملک کے مختلف شہروں کے درمیان 8 پروازیں منسوخ کر دی گئی ہیں۔ فلائٹ شیڈول کے مطابق 14 دیگر ملکی اور غیر ملکی پروازیں بھی تاخیر کا شکار ہیں۔

نجی ایئر لائن کے انتظامی بحران کے دوسرے روز بھی فلائٹ شیڈول میں شدید خرابی دیکھی گئی ہے۔ کوالالمپور اور کراچی کے درمیان دو بین الاقوامی پروازیں اور لاہور اور شارجہ کے درمیان پی آئی اے کی دو پروازیں منسوخ کر دی گئی ہیں۔ اس کے علاوہ اسلام آباد سے گلگت جانے والی پی آئی اے کی چار پروازیں بھی منسوخ کی گئی ہیں۔

دیگر پروازوں میں بھی کافی تاخیر ہوئی ہے۔ دمشق سے کراچی آنے والی بین الاقوامی پرواز ڈیڑھ گھنٹے، مسقط سے کراچی آنے والی پرواز تین گھنٹے اور پی آئی اے کی جدہ سے کراچی آنے والی پرواز دو گھنٹے تاخیر سے پہنچی۔ اسلام آباد سے ابوظہبی جانے والی نجی ایئر لائن کی پرواز میں چھ گھنٹے کی تاخیر ہوئی جبکہ اسلام آباد سے جدہ اور دبئی جانے والی پرواز ڈیڑھ گھنٹے تاخیر سے روانہ ہوئی۔

یہ صورتحال مسافروں کے لیے شدید مشکلات کا باعث بنی ہوئی ہے اور انہیں طویل انتظار کرنا پڑ رہا ہے۔

سابق پاکستانی اسپنر مشتاق احمد کی بیٹی رشتہ ازدواج میں منسلک ہوگئیں۔

فوٹو اینڈ ویڈیو شیئرنگ ایپ انسٹاگرام پر قومی ٹیم کے سابق کرکٹر مشتاق احمد کی بیٹی کے نکاح کی دلکش تصاویر اور ویڈیو سوشل میڈیا کی شیئر کی گئیں۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Osman Pervaiz Mughal (@opmshoots)

مشتاق احمد کی بیٹی حبیبہ کے نکاح کی تقریب انتہائی میں قریبی رشتے دار اور چند دوستوں سمیت کرکٹرز نے شرکت کی۔

 مشتاق احمد کی بیٹی کی شادی کی تصاویر فوٹوگرافر کی جانب سے شیئر کی گئی ہیں جس پر متعدد سوشل میڈیا صارفین نے تبصرے کرتے ہوئے جوڑے سمیت والدین کو بیٹی کے نکاح کی مبارکباد دی۔

حبیبہ مشتاق کی شادی کی تقریب انتہائی سادہ مگر پر وقار تھی جس میں وقار یونس بھی اپنی فیملی کے ہمراہ شریک ہوئے۔

گوجرانوالہ : گوجرانوالہ میں سرکاری سکول میں 5 طالبات کے ساتھ جنسی زیادتی کرنے والے سکول ٹیچر کے شوہر کو پولیس نے گرفتار کرلیا۔

تفصیلات کےمطابق واقع تھیڑی سانسی میں واقع گورنمنٹ نان فارمل ایجوکیشن سکول میں پیش آیا ہے۔ 

پولیس کا کہنا ہے کہ ملزمہ نے متاثرہ بچیوں سے زیادتی کے دوران ویڈیوز بھی بنارکھی تھیں، جس کی وجہ سے متاثرہ بچیاں ڈر کے مارے خاموش رہیں۔ ملزم کئی سالوں سے سکول میں آکر بچیوں کو زیادتی کا نشانہ بنا رہا تھا۔

متاثرہ بچیوں کے والدین کی شکایت پر پولیس نے فوری کارروائی کرتے ہوئے ملزم کو گرفتار کر لیا اور 5 الگ الگ مقدمات درج کر لیے ہیں۔ 

ابتدائی تحقیقات کے مطابق بچیوں کے میڈیکل معائنے میں زیادتی کی تصدیق ہوئی ہے۔ ملزم نے دوران تفتیش اپنے جرم کا اعتراف کر لیا ہے۔ واقعہ کے بعد سکول کو سیل کر دیا گیا ہے۔

میڈیا رپورٹ کے مطابق متاثرہ طالبات کی عمریں 11 سے 14 سال کے درمیان بتائی جاتی ہیں۔ پولیس معاملے کی مزید تحقیقات کر رہی ہے۔