انتخابات ملک میں معاشی استحکام اور خوشحالی کویقینی بنائیں گے ،صدرمملکت

صدر ڈاکٹر عارف علوی نے اس اعتماد کااظہار کیا ہے کہ عام انتخابات کے نتائج سے ایسا ماحول پیدا ہوگا جو ملک میں معاشی استحکام اور خوشحالی کویقینی بنائے گا ۔

وائس آف امریکہ کو انٹرویو دیتے ہوئے انہوں نے کہاکہ پاکستان سیاسی استحکام کے حوالے سے چیلنجز پرقابوپاسکتا ہے ۔

انہوں نے کہاکہ تمام سیاسی جماعتوں کو سازگار ماحول فراہم کرنا حکومت اور الیکشن کمیشن کی مشترکہ ذمہ داری ہے انہوں نے کہاکہ حکومت پہلے ہی اس حوالے سے یقین دہانی کراچکی ہے اورقوم نے حکومت کے عزم پرمکمل اعتماد کیا ہے ۔

انہوں نے کہاکہ وہ تمام پاکستانیوں کے ترجمان ہیں ۔

فلسطین کے مسئلے پرصدر نے کہاکہ پاکستان اپنی آزادی کے بعد سے فلسطینیوں کی حمایت کررہا ہے اورتمام عالمی فورمز پر غزہ کی موجودہ صورتحال کو موثر طورپر اٹھایا انہوں نے اس بات کا اعادہ کیاکہ فلسطین کے مسئلے کا حل صرف دو ریاستی حل میں مضمر ہے ۔