اسرائیل کی غزہ میں 2 پناہ گزین کیمپوں پر بمباری

غزہ میں اسرائیل کی 2 پناہ گزین کیمپوں پر بمباری سے مزید 31فلسطینی شہید اور متعدد زخمی ہو گئے۔

 اسرائیل نے گزشتہ روز غزہ میں جبالیہ پناہ گزین کیمپ میں اقوام متحدہ کے اسکولوں الفاخورہ اور تل الزعتر کو بمباری کرکے ملبے کا ڈھیر بنادیا تھا جب کہ آج النصریت نامی ایک اور پناہ گزین کیمپ پر بھی وحشیانہ بمباری کی گئی۔

ان حملوں میں 2 صحافیوں سمیت متعدد بچے، خواتین اور بزرگ شہری شہید اور زخمی ہوگئے۔ ملبے کے ڈھیر سے لاشیں ملنے کا سلسلہ جاری ہے۔7اکتوبر سے جاری اسرائیلی بمباری میں شہدا کی تعداد12ہزار سے تجاوز کر گئی،25ہزار سے زائد زخمی ہیں۔