العزیزیہ اور ایون فیلڈریفرنس، نواز شریف کی کل عدالت میں پیشی

ایون فیلڈ اور العزیزیہ ریفرنسزمیں نواز شریف کل اسلام آباد ہائی کورٹ پیش ہوں گے، صرف انٹری کارڈ جاری ہونے والوں کو ہی کمرہ  عدالت میں داخلے کی اجازت ہو گی، اسلام آباد ہائی کورٹ نے نواز شریف کی پیشی کے موقع پر سرکلر جاری کر دیا، چیف جسٹس آسلام آباد ہائی کورٹ عامر فاروق اور جسٹس میاں گل حسن اپیلوں کی سماعت کریں گے۔

رجسٹرار آفس نے نواز شریف کی ایون فیلڈ اور العزیزیہ ریفرنسز میں سزا کیخلاف اپیلوں پر سرکلر جاری کردی، جس میں آئی جی اسلام آباد کو کہا گیا ہے کہ وہ سابق وزیراعظم کی پیشی کے موقع پر سیکیورٹی کو یقینی بنائیں۔

اسلام آباد ہائیکورٹ میں سابق وزیراعظم نوازشریف کی ایون فیلڈ اور العزیزیہ ریفرنسز میں سزا کے خلاف اپیلوں پر سماعت کے لئے رجسٹرار آفس نے قواعد و ضوابط سے متعلق سرکلر جاری کردیا ہے۔

رجسٹرار آفس کے سرکلر کے مطابق 21 نومبر کو نوازشریف مری سے اسلام آباد ایون فیلڈ اور العزیزیہ ریفرنسز کی اپیلوں پر سماعت  کےلئے عدالت میں پیش ہوں گے، آئی جی اسلام آباد نوازشریف کی پیشی کے موقع پر سیکیورٹی کو یقینی بنائیں۔

سرکلر میں بتایا گیا ہے کہ کمرہ عدالت نمبر ایک میں داخلہ رجسٹرار آفس کی جانب سے جاری سیکیورٹی پاسز سے مشروط ہوگا، درخواست گزار کی قانونی ٹیم کے 15 وکلاء جب کہ اٹارنی جنرل اور ایڈووکیٹ جنرل کے 5، 5 سرکاری وکلاء کو کمرہ عدالت میں داخلہ کی اجازت ہوگی۔ اسلام آباد ہائیکورٹ جرنلسٹ ایسوسی ایشن کے 30 صحافیوں کو کمرہ عدالت میں داخلے کی اجازت ہوگی،