بچوں کے حقوق اور فلاح و بہبود کیلئے اقدام کرنے کیلئے پُرعزم ہیں ،صدر مملکت

بچوں کے عالمی دن کے حوالے سے اقوام متحدہ کے چلڈرن فنڈ کی جانب سے بشمول گلگت بلتستان اور آزاد جموں و کشمیر چاروں صوبوں سے نامزد بچوں کے ایک وفد نے آج(پیر) اسلام آباد میں صدر ڈاکٹر عارف علوی سے ملاقات کی۔

بچوں نے درپیش مختلف مسائل کے علاوہ مستقبل کیلئے اپنی اُمیدوں اور توقعات کو اُجاگر کیا۔

بچوں سے گفتگو کرتے ہوئے صدر نے کہا کہ پاکستان بچوں کے حقوق اور فلاح و بہبود کیلئے اقدام کرنے کیلئے پُرعزم ہے۔

انہوں نے کہا کہ بچوں کو تعلیم، تربیت اور مہارت سے آراستہ کرنے کیلئے اقدام کئے جا رہے ہیں۔

صدر کا کہنا تھا خصوصی بچوں کو معاشرے کا سرگرم حصہ بنانے کیلئے انہیں باقاعدہ سکولوں میں مکمل تعلیم فراہم کرنے کی ضرورت ہے۔