العزیزیہ اور ایون فیلڈ ریفرنسز میں سزاؤں کیخلاف اپیلوں کی سماعت آج ہو گی

اسلام آباد: العزیزیہ اور ایون فیلڈ ریفرنسز میں سزاؤں کیخلاف سابق وزیر اعظم میاں نواز شریف کی اپیلوں کی سماعت آج ہوگی۔

چیف جسٹس عامر فاروق اور جسٹس میاں گل حسن اورنگ زیب پر مشتمل دو رکنی بینچ اپیلوں کی سماعت کرے گا، مسلم لیگ (ن) کے قائد اسلام آباد ہائیکورٹ میں آج پیش ہوں گے، نواز شریف مری میں اپنی رہائش گاہ پر موجود ہیں۔

نواز شریف کی ایون فیلڈ اور العزیزیہ ریفرنسز میں سزا کیخلاف اپیلوں پر پیشی کے حوالے سے اسلام آباد ہائیکورٹ کے رجسٹرار آفس نے قواعد و ضوابط سے متعلق سرکلر جاری کر دیا جس میں کہا گیا ہے کہ آئی جی اسلام آباد مناسب سکیورٹی انتظامات کو یقینی بنائیں۔