اسرائیل پر دبائو کے لیے تمام ممالک کو ایک ہونا پڑے گا، ترک وزیر خارجہ

انقرہ: ترک وزیر خارجہ خاقان فیدان نے کہا ہےکہ اسرائیل پر دبائو کے لیے تمام ممالک کو یک آواز ہونا پڑے گا۔

ترک خبررساں ادارے کے مطابق وزیر خارجہ نے ترک پارلیمان کے منصوبہ بندی و بجٹ کمیشن سے خطاب کے دوران کہا کہ اب تک 12 ہزار فلسطینی جاں بحق ہو چکے ہیں،مساجد کی شہادت ہمیں کسی طور قبول نہیں ہے۔

خطے میں مستقل امن کے لیے ہمیں مل کر کوششیں کرنا ہوگی، میرا خیال کہ اسرائیل پر دباو ڈالنے کے لیے علاقائی ممالک کو یک آواز ہونا پڑے گا۔