پی ٹی آئی کے رہنما اور سابق اسپیکر قومی اسمبلی اسد قیصر کو رہائی کے بعد دوبارہ گرفتار

پاکستان تحریک انصاف (پی ٹی آئی) کے رہنما اور سابق اسپیکر قومی اسمبلی اسد قیصر کو رہائی کے بعد دوبارہ گرفتار کرلیا گیا۔

سابق اسپیکر قومی اسمبلی اسد قیصر کو رہائی کے بعد دوبارہ صوابی جیل کے باہر سے گرفتار کرلیا گیا، پولیس پی ٹی آئی کے رہنما کو لے کر چارسدہ روانہ ہوگئی۔

قبل ازیں رہنما اینٹی کرپشن عدالت کے جج بابر علی خان نے اسد قیصر کی درخواست ضمانت منظور کرتے ہوئے انہیں رہا کرنے کا حکم دیا تھا۔ عدالت نے اسد قیصر کی ضمانت منظور کرتے ہوئے انہیں 80 ہزار روپے کے مچلکے جمع کرانے کا حکم دیا تھا۔

فیصلہ عوام نے کرنا ہے!

اسد قیصر کا ویڈیو پیغام#ووٹ_سے_لیں_گے_انتقام pic.twitter.com/aEDfT3X79g

— PTI (@PTIofficial) November 23, 2023

اس سے قبل بھی سابق اسپیکر قومی اسمبلی اور پی ٹی آئی کے رہنما اسد قیصر کو 3 نومبر کو اسلام آباد سے گرفتار کیا گیا تھا، ان پر گجو خان میڈیکل کالج صوابی کے لیے طبی آلات کی خریداری میں کرپشن کا الزام ہے، اور وہ اس وقت بھی 14 روزہ جوڈیشل ریمانڈ پر جیل میں ہیں۔

گرفتاری کے موقع پر میڈیا سے غیر رسمی گفتگو کرتے ہوئے اسد قیصر کا کہنا تھا کہ نہ تو ہم گھبرائیں ہیں اور نہ ہی پیچھے ہٹے گے، ہم قانون اور آئین کی بالادستی کےلئے اپنی جدوجہد جاری رکھیں گے اور انے کارکنوں سے بھی کہا ہے کہ آپ نے اپنی جدوجہد پر امن طریقے سے قانون کے دائرے میں رہتے ہوئے کرنی ہے۔