غزہ میں عارضی جنگ بندی کا آغاز  آج سے ہوگا، ترجمان قطری وزارت خارجہ

قطر کی وزارت خارجہ کے ترجمان نے ایک پریس کانفرنس کے دوران کہا کہ غزہ میں عارضی جنگ بندی کا آغاز  آج 24 نومبر کو 7 بجے (پاکستانی وقت کے مطابق صبح 10 بجے) ہوگا۔

حماس کے پاس موجود 13 اسرائیلی یرغمالیوں کے پہلے گروپ کو رہا کیا جائے گا، انہوں نے کہا کہ 'ایک خاندان سے تعلق رکھنے والے یرغمالیوں کو اکٹھے رہا کیا جائے گا'۔

انہوں نے مزید کہا کہ روزانہ کی بنیاد پر یرغمالیوں کو رہا کیا جائے گا اور 4 دنوں میں مجموعی طور پر 50 یرغمالیوں کو رہا کیا جائے گا، اسرائیل نے غزہ میں جنگ بندی پر عملدرآمد کل تک مؤخر کردیا
 
 انہوں نے بتایا کہ آج صبح تک تنازع کے فریقین اور مصری حکام سے مشاورت کا سلسلہ دوحہ میں جاری رہا اور یہ ملاقاتیں مثبت ماحول میں ہوئیں۔