قمر جاوید باجوہ اور فیض حمید کیخلاف اندراج مقدمہ کی درخواست سماعت کیلئے مقرر

اسلام آباد ہائیکورٹ نے سابق آرمی چیف جنرل ریٹائرڈ قمر جاوید باجوہ اور سابق ڈی جی آئی ایس آئی لیفٹیننٹ جنرل ریٹائرڈ فیض حمید کے خلاف اندراج مقدمہ کی درخواست سماعت کے لیے مقرر کر دی۔

چیف جسٹس اسلام آباد ہائیکورٹ شہر عاطف علی کی درخواست پر سماعت کریں گے۔

اسلام آباد ہائیکورٹ کے رجسٹرار آفس کی جانب سے جاری کاز لسٹ کے مطابق جنرل ریٹائرڈ قمر جاوید باجوہ اور جنرل ریٹائرڈ فیض حمید کے خلاف اندراج مقدمہ کی درخواست 28 نومبر کو سماعت کے لیے مقرر کر دی۔

شہری نے جنرل باجوہ ، جنرل فیض حمید و دیگر کے خلاف  مقدمہ اندراج کی درخواست دائر کر رکھی ہے، ہائیکورٹ نے ایف آئی اے ، جنرل باجوہ اور جنرل فیض حمید کو نوٹس جاری کر رکھا ہے۔

عدالت نے جنرل قمر جاوید باجوہ کے مبینہ انٹرویو کرنے والے صحافیوں پیمرا، پریس ایسوسی ایشن آف پاکستان کو بھی نوٹس جاری کردیے۔