لاہور میں صبح سویرے ہلکی بارش، سموگ کی شدت میں کمی

ملک کے مختلف علاقوں میں موسلادھار بارش اور پہاڑوں پر برفباری جبکہ بیشتر بالائی علاقوں میں مطلع جزوی ابر آلود رہنے کی پیشگوئی کی گئی ہے۔

لاہور شہر میں بھی صبح سویرے ہونے والی ہلکی بارش سے سموگ کی شدت میں بھی کافی کمی دیکھنے میں آئی ہے۔

محکمہ موسمیات کے مطابق ملک کے بیشتر بالائی علاقوں میں مطلع جزوی ابر آلود رہے گا جبکہ مختلف مقامات پر آندھی،تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے۔

آج خطہ پوٹھوہار ،اسلام آباد،بالائی پنجاب ،بالائی خیبر پختونخوا، گلگت بلتستان اورکشمیر میں آندھی/تیز ہواؤں اورگرج چمک کے ساتھ بارش اور پہاڑوں پر برف باری کا امکان ہے،اس دوران چند مقامات پر ژالہ باری کی بھی توقع ہے۔