ایف بی آر اور قومی ایئر لائن کے مذاکرات کامیاب

فیڈرل بورڈ آف ریونیو (ایف بی آر) کی جانب سے قومی ایئر لائن پی آئی اے کے تمام اکاؤنٹس بحال کر دیے گئے۔

پی آئی اے کے اعلامیے کے مطابق ملک بھر میں پی آئی اے کے تمام اکاؤنٹس بحال کرنے کے احکامات جاری ہو گئے ہیں۔

گزشتہ روز ٹیکس کی عدم ادائیگی پر فیڈرل بورڈ آف ریونیو نے قومی ایئر لائن پی آئی اے کے تمام بینک اکاؤنٹس منجمد کر دیے تھے۔

ذرائع کے مطابق ملک بھر کے بینکوں میں پی آئی اے کے 28 اکاؤنٹس ہیں۔

دوسری طرف پی آئی اے انتظامیہ نے ایف آئی اے کو جعلی ڈگریوں کے الزامات پر نکالے گئے ملازمین کی تفصیلات فراہم کردیں، ایف آئی اے نے برطرف ملازمین کی تنخواہوں اور دیگر مراعات کی تفصیلات مانگی تھیں۔

پی آئی اے نے جعلی تعلیمی اسناد پر نکالے گئے ڈپٹی چیف پائیلٹ سمیت 14 ملازمین کی فہرست تیار کی تھی۔