عوام کو بیوقوف سمجھنے والے خود سب سے بڑے بیوقوف ہیں ، شیخ رشید

عوامی مسلم لیگ کے سربراہ اور سابق وفاقی وزیر داخلہ  شیخ رشید کا کہنا ہے کہ جو لوگ عوام کو بے وقوف سمجھتے ہیں وہ خود سب سے بڑے بے وقوف ہوتے ہیں۔ راولپنڈی کے دونوں حلقوں سے الیکشن لڑوں گا، الیکشن میں ن لیگ کو غش پڑیں گے۔

لاہور ہائی کورٹ راولپنڈی بینچ کے باہر میڈیا سے بات کرتے ہوئے  شیخ رشید کا کہنا تھا کہ آج ہمارے پیشی تھی اور جج صاحب کو بتایا گیا ہے کہ سارے کیسز کی تفصیل بھی تک جمع نہیں ہوئیں اوور کیس 8 دن آگے کر دیا گیا ہے، راولپنڈی کی رپورٹ آئی ہے باقی پنجاب میں کتنے کیسز رجسٹرڈ ہوئے ہیں جج نے ایک ہفتے کی مہلت دی ہے۔

انہوں نے کہا کہ 12 اپریل سے 12 مئی تک مری کسی کے شکل دیکھی ہو پہلے تو میں کرغستان تھا اور اس کے بعد باقو،کسی کیمرے میں کسی تصویر میں لیکن اب ہاتھی کے پاؤں میں سب کا پاؤں ہے۔لگتا ہے سارے کیسز میرے چلے کے دوران ہی بنے ہیں۔ 9 تاریخ کو دہشت گردی کی کورٹ میں میرے 21 کیسز ہے دیکھے ہے کہ کیا ہوتا ہے۔

راولپنڈی :سابق وفاقی وزیر داخلہ شیخ رشید احمد لاہور ہائیکورٹ پنڈی بنچ کے باہر میڈیا سے گفتگو کرتے ہوئے pic.twitter.com/t12Ce2RWW1

— Sheikh Rashid Ahmed (@ShkhRasheed) November 30, 2023

 شیخ رشید کا کہنا تھا کہ نوازشریف کو لمبا ریلیف ہے، بلکہ ریلیف ہی ریلیف ہے، انسان سمجھتا ہے کہ ی سارا کچھ ان کی بہتری کےلئے ہو رہا ہے لیکن عوام میں ان کی مقبولیت متاثر ہورہی ہے، جو شخص عوام کو بیوقوف سمجھتا ہے وہ خود سب سے بڑا بیوقوف ہے۔ لوگ سمجھدار ہو گئے ہیں اور دیکھ رہے ہیں کہ کیسے نواز شریف کو لایا گیا اور ایئر پورٹ پر ان کا بائیومیٹرک ہوا

سابق وفاقی وزیر نے کہا کہ جس نے شہبازشریف کی 16 ماہ تباہی دیکھی اسے الیکشن مہم کی ضرورت نہیں، مسلم لیگ کو الیکشن میں غش پڑیں گے، میں 10 دسمبر سے الیکشن کیمپین شروع کروں گا، راولپنڈی کے دونوں حلقوں سے الیکشن لڑوں گا، اور قلم دوات جیتے گی۔ 5 مئی سے 20 مئی تک راولپنڈی میں موجود نہیں تھا، اور نو مئی کے واقعات میں کسی وڈیو یا مظاہرے میں شریک نہیں تھا، لیکن ہاتھی کے پاؤں میں سب کے پاؤں والی بات ہے، چلہ کاٹنے کے بعد میرا نام نو مئی کے مقدمات میں ڈالا گیا، اور جس بندے نے میری گاڑی کی ضمانت دی تھی اس کو بھی اٹھایا گیا۔

شیخ رشید نے کہا کہ انکا خیال تھا کہ یہ مجھے لال حویلی سے باہر پھینکین گے لیکن عزت اللہ دینے والا ہے، پہلے ہلکی پھلکی موسیقی تھی پھر 40 دن کا چلہ کاٹا، اب مزید چلہ نہیں کاٹ سکتا، مجھ سے ایسی بات نہ کہلوائیں کہ 40 دن کا چلہ کاٹنے کے بعد مجھے پھر چلہ کاٹنا پڑے۔

انہوں نے مزید کہا کہ پی ٹی آئی کا چیئرمین کے حوالے سے فیصلہ درست ہے، اب مجھے لگتا ہے کہ پی ٹی آئی کو بلے کا نشان ملنے کا امکان ہے، باقی میں کچھ نہیں جانتا اور میں نے کوئی پیغام نہیں بھیجا۔