موسمیاتی تبدیلی کے چیلنج سے نمٹنے کیلئے عالمی اتحادضروری ہے ، انوارلحق کاکڑ

نگران وزیراعظم انوارالحق کاکڑ نے موسمیاتی تبدیلی کے چیلنج سے نمٹنے کیلئے عالمی اتحاد بنانے پر زوردیا ہے ۔

وہ آج دبئی میں کاپ 28کانفرنس کے موقع پر سائیڈ لائن پاکستان پویلین میں '' لیونگ انڈس انیشیٹو'' سے خطاب کررہے تھے ، اسی دوران انوارلحق کاکڑ نے کہا کہ موسمیاتی تبدیلیوں سے نمٹنے کیلئے ہمیں گلوبل ویلیج بننا ہو گا ۔

وزیراعظم نے کہاکہ لیونگ انڈس انیشیٹو فلیگ شپ عالمی موسمیاتی تبدیلی کی فنانسنگ 78 ارب ڈالر کا فلیگ شپ منصوبہ ہے ۔

وزیراعظم نے کہاکہ پاکستان کا زیادہ تر حصہ دریائے سندھ کے سسٹم کے اندر واقع ہے، اس لئے پاکستان کی موسمیاتی تبدیلی کو موافق بنانے کیلئے ہمیں موسمیاتی تبدیلی کیلئے انڈس بین کو موافق بنانا چاہئے ۔

انہوں نے کہاکہ یہ منصوبہ مستقبل میں سیلاب اور خشک سالی کے اثرات کو کم کرنے کیلئے پاکستانی کاوشوں میں مرکز ی حیثیت رکھتا ہے ۔

انوارالحق کاکڑ نے کہاکہ اس سے نہ صرف لاکھوں پاکستانیوں کا فائدہ ہوگا بلکہ یہ عالمی سطح پر ماحولیاتی حدت کیلئے ایک نمونے کے طورپر بھی کام کرے گا ۔

انہوں نے موسمیاتی تبدیلی کا مقابلہ کرنے کیلئے سرکاری ونجی شعبے ، شہریوں اور معاشرے کومتحرک کرنے کی ضرورت پر زوردیا ۔