سی پیک اور گوادر پورٹ کا پاکستان کے مستقبل کے معاشی منظرنامے میں نہایت اہم کردار ہے، صادق سنجرانی

اسلام آباد: چیئرمین سینیٹ سینیٹر صادق سنجرانی نے کہا ہے کہ سی پیک اور گوادر پورٹ کا پاکستان کے مستقبل کے معاشی منظرنامے میں نہایت اہم کردار ہے، معاشی ترقی میں کاروباری برادری کلیدی حیثیت کی حامل ہے، پائیدار اقتصادی ترقی کے لیے سازگار ماحول کی ضرورت ہے۔

ان خیالات کا اظہار انہوں نے گوادر چیمبر آف کامرس اینڈ انڈسٹریز (جی سی سی آئی) کے وفد سے گفتگو کرتے ہوئے کیا جس نے پیر کو کہاں پارلیمنٹ ہاؤس میں ان سے ملاقات کی۔ سینیٹ سیکرٹریٹ کے مطابق ملاقات میں گوادر، بلوچستان کی کاروباری صورت حال اور اقتصادی مسائل پر تفصیلی گفتگو کی گئی۔ اقتصادی پالیسی، انفراسٹرکچر کی ترقی اور گوادر میں تجارت اور سرمایہ کاری کو بڑھانے کی حکمت عملی پر بھی تفصیلی تبادلہ خیال کیا گیا۔

چیئرمین سینیٹ نے اقتصادی ترقی کو فروغ دینے کےلئے چیمبر کی کوششوں کو سراہا۔ وفد نے گوادر میں کاروباری برادری کو درپیش چیلنجز کے حوالے سے چیئرمین سینیٹ کو آگاہ کیا۔ چیئرمین سینیٹ نے کہا کہ معاشی ترقی میں کاروباری برادری کا اہم کردار ہے۔ پائیدار اقتصادی ترقی کے لیے سازگار ماحول پیدا کرنے کی ضرورت ہے۔