حریت کانفرنس میں کشمیر میں بڑھتی ہوئی بھارتی ریاستی دہشت گردی کی مذمت

کل جماعتی حریت کانفرنس نے مقبوضہ جموں و کشمیر میں بڑھتی ہوئی بھارتی ریاستی دہشت گردی کی مذمت کرتے ہوئے کہا کہ  کشمیریوں کو ان کا حق خودارادیت دئیے بغیر کشمیر کا مسئلہ حل نہیں کیا جاسکتا۔

 سرینگر سے جاری ایک بیان میں کل جماعتی حریت کانفرنس کے ترجمان نے کہا کہ کشمیریوں کی اپنے جائز حق کےلئے دی جانے والی بے مثال قربانیوں نے جدید دنیا میں چلنے والی آزادی کی تحریکوں میں ایک نمایاں تاریخ رقم کی ہے۔

 انہوں نے اقوام متحدہ پر زور دیا کہ وہ مقبوضہ کشمیر کی موجودہ صورتحال کا نوٹس لے اور تنازعہ کشمیر کو عالمی ادارے کی قراردادوں کے مطابق حل کرنے کے لئے اقدامات کرے۔