وزیرخارجہ کا ڈنمارک کی پارلیمان میں قرآن پاک کی بے حرمتی ممنوع قراردینے کے بل کی منظوری کا خیر مقدم

نگران وزیرخارجہ جلیل عباس جیلانی نے ڈنمارک کی پارلیمنٹ کی طرف سے قرآن پاک کی بے حرمتی کو ممنوع قرار دینے کا بل منظور کرنے کے اقدام کو سراہا ہے۔

سماجی رابطے کی ویب سائٹ پر اپنے بیان میں انہوں نے اس فیصلے کو منصفانہ قرار دیا اور اس امید کا اظہار کیا کہ دیگر یورپی ممالک اس اقدام کی پیروی کرتے ہوئے اسی قسم کی قانون سازی کریں گے۔

A prudent decision on the part of the Danish Parliament. Hope other European countries follow suit and pass similar legislation. Desecration of holy books of any faith is against the tenets of all religions, even under the guise of freedom of speech.https://t.co/3LMykmAr9q

— Jalil Abbas Jilani (@JalilJilani) December 7, 2023

انہوں نے کہا کہ الہامی کتابوں کی بے حرمتی آزادی اظہار رائے کی آڑ میں تمام مذاہب کے ماننے والوں کے عقائد کے منافی ہے۔

میڈیا رپورٹ کے مطابق نئے قانون کے تحت خلاف ورزی کرنے والوں کو دو سال قید کی سزا ہو سکتی ہے۔