اینٹی نارکوٹکس فورس کی کارروائیاں، 3 سمگلر رنگے ہاتھوں گرفتار،320 کلو گرام منشیات برآمد

راولپنڈی: اینٹی نارکوٹکس فورس (اے این ایف) نے منشیات سمگلنگ کے خلاف جاری کریک ڈاؤن میں 3 کارروائیوں کے دوران 320 کلو سے زائد منشیات برآمد کر کے 3 ملزمان گرفتار کرلیے۔

ترجمان اے این ایف کے مطابق قلعہ عبداللہ کے علاقے کلی جلال خاک کے مکان میں چھپائی گئی 271 کلو 100 گرام چرس برآمدکی گئی۔

موٹر وے ٹول پلازہ چارسدہ کے قریب گاڑی سے 48 کلو چرس برآمدکر کےدو ملزمان گرفتارکیے گئے۔ 26 نمبر چونگی اسلام آباد کے قریب گاڑی سے 1کلو 200 گرام چرس برآمدکرکے ملزم گرفتارکیا گیا۔ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔