جہانگیر ترین کا کیس سننے والے جج کا تبادلہ

تفصیلات کے مطابق پاکستان تحریک انصاف (پی ٹی آئی )کے رہنما  جہانگیر ترین اور علی ترین کا  کیس سننے والے جج  ٹرانسفر ہوگئے ہیں ۔بینکنگ کورٹ کے جج امیر محمد خان کو ٹرانسفر کر دیا گیا۔

جی این این کے مطابق  امیر محمد خان کو لاہور سے خافظ آباد ٹرانسفر کر دیا گیا ہے۔چیف جسٹس لاہور ہائی کورٹ محمد قاسم خان کی منظوری کے بعد نوٹیفکیشن جاری کردیا گیا ہے۔

اس سے قبل  پی ٹی آئی رہنما جہانگیر ترین اور علی ترین ضمانت میں توسیع کے لئے ایڈیشنل سیشن جج حامد حسین کی عدالت میں پیش ہوئے تھے۔ جہانگیر ترین اور علی ترین سمیت دیگر کی عبوری ضمانتوں میں 31مئی تک توسیع کردی گئی تھی۔

خیال رہے کہ  گزشتہ روز جہانگیر ترین گروپ کا باقاعدہ اعلان کردیا گیا تھا، جہانگیر ترین گروپ نے قومی اور صوبائی اسمبلی میں پارلیمانی لیڈر بھی مقرر کردئیے ہیں ۔