عالمی صحت سلامتی کانفرنس پاکستان 10 جنوری کو اسلام آباد میں ہوگی

نگران وزیر صحت ڈاکٹر ندیم جان کے زیر صدارت اعلی سطح کے اجلاس میں اسلام آباد میں ہونے والی عالمی صحت سلامتی کانفرنس کی تیاریوں کا جائزہ لیا گیا۔

کانفرنس آئندہ ماہ کی 10 اور 11 تاریخ کو ہورہی ہے جس میں دنیا بھر سے صحت کے اعلی ماہرین شرکت کریں گے۔

اس موقع پر خطاب کرتے ہوئے وزیر صحت نے کہا کہ بین الاقوامی کانفرنس کے اہتمام سے پاکستان کا مثبت تشخص اجاگر کیا جائے گا۔