پوری قوم کو اکٹھا ہو کر پولیو کے خلاف جنگ کر نا ہو گی ، نگراں وزیر صحت

صحت کی قومی خدمات کے نگران وزیر ڈاکٹر ندیم جان نے معاشرے کے تمام طبقات پر زور دیا ہے کہ وہ ملک سے پولیو کے خاتمے کیلئے اپنا کردار ادا کریں۔

آج اسلام آباد میں ملک سے پولیو کے خاتمے سے متعلق ایک تقریب سے خطاب کرتے ہوئے انہوں نے کہا کہ حکومت پولیو کے خاتمے کو یقین بنانے کیلئے تمام اقدامات کررہی ہے۔

وزیر صحت نے علما اور مذہبی دانشوروں سے درخواست کی کہ وہ اس نیک مقصد کیلئے مسجد و محراب کو استعمال کریں۔

اس موقع پر خطاب کرتے ہوئے مذہبی ہم آہنگی کے بارے میں وزیر اعظم کے خصوصی نمائندے حافظ طاہر محمود اشرفی نے کہا کہ یہ ایک قومی مسئلہ ہے اور اس کا کسی فرقے کے ساتھ تعلق نہیں ہے۔

انہوں نے میڈیا  سے درخواست کی ہے  کہ وہ اس انتہائی اہم مسئلے کی حساسیت سے متعلق عوام میں شعور اجاگر کریں۔