چیف جسٹس سند ھ ہائیکورٹ سرکاری وکیل پر برہم

کراچی : این اے 236 سے آزاد امید وار فیصل مجیب کے کاغذات نامزدگی مسترد ہونے کے خلاف سندھ ہائیکورٹ میں سماعت ہوئی ۔ 

چیف جسٹس سندھ ہائیکورٹ نے سرکاری وکیل سے استفسار کرتے ہوئے کہا کہ پہلے صرف ملک کے پڑھے لکھے لوگ جانتے تھے کہ ملک میں کیا چل رہا ہے لیکن اب حالات اس حد تک آ چکے ہیں کہ ملک کے ہر بچے بچے کو بھی پتہ چل چکا ہے کہ ملک میں کیا ہو رہا ہے ۔ 

اب بچہ بچہ جانتا ہے کہ ملک میں کیا ہو رہا ہے، چیف جسٹس سندھ ہائیکورٹ#sindhhighcourt #Elections2024 #BreakingNews #GNN #GNN_Updates pic.twitter.com/gZUfiiRBV9

— GNN (@gnnhdofficial) January 16, 2024

انہوں نے سرکاری وکیل کو کہا کہ کبھی کبھی تو ملکی حالات کو دیکھ کر دکھ ہوتا ہے آپ وقت سے سیکھتے کیوں نہیں ہیں ۔ 

چیف جسٹس سندھ ہائیکورٹ نے کہا کہ الیکشن لڑنے دیا جائے اگر ان کے ٹیکس گوشواروں میں کوئی مسئلہ آیا تو ان کو ڈی سیٹ بھی کیا جا سکتا ہے ۔ 

چیف جسٹس سندھ ہائیکورٹ نے مزید کہا کہ ملکی حالات کے پیش نظر الیکشن میں کسی قسم کی تاخیر بھی خطرے کی گھنٹی ثابت ہو سکتی ہے ۔