ذیابیطس سینٹر اسلام آباد اور ہیلتھ سروسز اکیڈمی پاکستان کے باضابطہ طور پر مفاہمت کی یادداشت پر دستخط

اسلام آباد: ذیابیطس سینٹر اسلام آباد (ٹی ڈی سی) اور ہیلتھ سروسز اکیڈمی پاکستان (ایچ ایس اے) نے باضابطہ طور پر مفاہمت کی یادداشت پر دستخط کیے ہیں۔

تفصلات کے مطابق ایم او یو کی شرائط کے تحت ذیابیطس سینٹر اسلام آباد اپنی ذیابیطس کی دیکھ بھال کی خصوصی خدمات کو ہیلتھ سروسز اکیڈمی پاکستان کے مراکز تک توسیع دے گا۔ باہمی تعاون میں ہیلتھ سروس اکیڈمی تربیت، تحقیق اور بنیادی ڈھانچے کی ترقی میں بھی مدد فراہم کرے گی۔

مزید برآں ٹی ڈی سی کو صحت کی دیکھ بھال کے شعبے میں مختصر اور طویل المدتی ڈگری پروگرام قائم کرنے اور ان کا انتظام کرنے کا موقع ملے گا۔ ایم او یو ضرورت مندوں کو 60 فیصد مفت علاج کی پیشکش کرنے کا قابل ستائش اقدام، کمیونٹی کی خدمت کرنے اور ضروری صحت کی دیکھ بھال تک رسائی کو یقینی بنانے کے جذبے کی عکاسی کرتا ہے۔

اس موقع پر ہیلتھ سروسز اکیڈمی کے وائس چانسلر ڈاکٹر شہزاد علی خان نے کہا کہ ٹی ڈی سی انتظامیہ کو پاکستان میں ذیابیطس کے بڑھتے ہوئے چیلنج سے نمٹنے کی کوششوں میں حکومتی سطح پر مکمل تعاون کا یقین دلایا۔ انہوں نے کہا کہ پاکستان میں ذیابیطس کی وجہ سے درپیش چیلنجوں سے نمٹنے اور صحت کی دیکھ بھال کی خدمات کو بہتر بنانے کے لیے عزم ہیں۔