پنجاب میں سموگ اور خشک سردی سے نمونیہ کیسز میں اضافہ جاری

سموگ اور خشک سردی نمونیہ کیسز میں اضافہ جاری، گزشتہ 24 گھنٹوں میں پنجاب میں نمونیہ کے  مزید 230  کیس رپورٹ ہوئے ہیں۔

لاہور میں گزشتہ 24 گھنٹوں میں 135  کیسز رپورٹ  ہوئے ہیں،لاہور میں مجموعی کیسز کی تعداد ایک ہزار 290 ہو گئی جبکہ پنجاب میں مجموعی طور پر سات ہزار 963  سے زائد کیسز رپورٹ ہوئے ہیں۔

گزشتہ 24 گھنٹوں میں پنجاب میں نمونیہ سے 7  بچے جاں بحق ہوئے جن میں سے 2 کا تعلق لاہور سے تھا۔ ۔نمونیہ سے جاں بحق بچوں کی مجموعی تعداد 179 تک پہنچ گئی ہے۔

لاہور کے ہسپتالوں میں نمونیہ ،چیسٹ انفیکشن اور وائرل انفیکشن کے سیکڑوں بچے زیر علاج ہے،چلڈرن ہسپتال میں 58 سے زائد بچے زیر علاج ہیں جبکہ جناح ہسپتال، سروسز، جنرل اور گنگا رام ہسپتال میں بھی بچے زیر علاج ہیں۔