اٹلی میں کیبل کار گر گئی ، 12 افراد ہلاک

غیر ملکی خبر رساں ادارے کے مطابق  اٹلی کے علاقے پِیڈمونٹ میں کیبل کار گرگئی ہے،اس حادثے میں 12افراد مارے گئے جبکہ دو بچےشدید زخمی ہوگئے۔امدادی ٹیمیں موقع پر پہنچ گئیں۔

دونوں بچوں کو ہیلی کاپٹر کی مدد سے قریبی اسپتال منتقل کردیاگیا۔تاہم ابتدائی طورپرحادثے میں مرنیوالوں یا زخمی ہونیوالوں کی عمر کے حوالے سے تفصیلات جاری نہیں کی گئیں ہیں۔

حادثے کا شکارہونیوالی یہ کیبل کارسیاحوں کو سطح سمندر سے  1ہزار4سو میٹر بلندی پر موجود جھیل تک لے کرجاتی ہے ۔ کورونا پابندیوں میں نرمی کے بعد حال ہی میں دوبارہ شروع ہوئی تھی۔

اٹلی کے وزیر اعظم ماریو ڈریگی نے اس حادثے کو ایک افسوسناک حادثہ قرار دیتے ہوئے کہا ہے کہ انہیں انفراسٹرکچر اور ٹرانسپورٹ کے وزیر کے ساتھ ساتھ مقامی عہدیداروں سے تازہ اپ ڈیٹس مل رہی ہیں۔

انہوں نے ایک بیان میں کہا ، "میں متاثرہ  افراد کے لواحقین کے ساتھ پوری حکومت کی طرف سے تعزیت کا اظہار کرتا ہوں،  شدید زخمی ہونے والے بچوں اور ان کے اہل خانہ  کے ساتھ اظہار ہمدردی کرتا ہوں۔