کراچی میں رواں سال کی دوسری بڑی چوری کی واردات

تفصیلات کے مطابق  کلفٹن تین تلوار پر رواں سال کی دوسری بڑی چوری کی واردات ہوئی ہے۔ذرائع کے مطابق  چور سنار کی دکان سے سوا کروڑ کا سونا اور 85 لاکھ کیش لے اڑے ہیں ،مجموعی طور سوا دو کروڑ روپے کی واردات ہوئی ،ملزمان تجوری نے تجوری توڑنے کے بعد واردات کی۔تجوری میں ڈیڑھ کلو سونا اور 85 لاکھ روپے تھے۔

پولیس کی نفری جائے وقوعہ پر پہنچ گئی ہے اور  پولیس کی جانب سے تفتیش کا عمل جاری ہے۔

پولیس کا کہنا ہے کہ سنار کی دکان میں 9 سی سی ٹی وی کیمرے لگے ہوئے ہیں ، کوئی ایک کیمرا بھی کام نہیں کررہا ، واقعے کے حوالےسے تحقیقات کررہے ہیں۔

پولیس کے مطابق  دکان کا لوہے کا دروازہ ٹوٹا ہوا ہے ، جبکہ  دکان کا شیشے کا دروازہ بالکل ٹھیک ہے۔پولیس کا کہنا ہے کہ  اطراف کی دکانوں کی سی سی ٹی وی حاصل کرنے کی کوشش کررہے ہیں۔