ایران پہل نہیں کرے گا، اگر حملہ ہوا تو سخت جواب دیا جائے گا، ابراہیم رئیسی

ایرانی صدر ابراہیم رئیسی کہا ہے کہ ایران جنگ میں پہل نہیں کرے گا مگر کسی نے بھی حملہ کیا تو اسے سخت جواب دیا جائے گا۔

غیر ملکی خبر رساں ایجنسی کے مطابق صدر ابراہیم رئیسی نے کہا ہے کہ ایران جنگ شروع نہیں کرنا چاہے گا۔ مگر کسی نے بھی حملہ کیا تو بھر پور اور سخت جواب دیا جائے گا۔ جب امریکی ہمارے ساتھ مذاکرات کرنا چاہتے تھے تو اس وقت وہ کہتے تھے کہ فوجی آپشن بھی میز پر موجود ہے،سو اب کہتے ہیں کہ ایران کے ساتھ جنگ کی نیت نہیں ہے۔

ایرانی صدر نے کہا کہ ایرانی فوجی قوت خطے میں کبھی کسی ملک کے لئے خطرے کا باعث نہیں بنی ہے۔ وہ ہمسایہ ممالک کو یقین دہانی کراتے ہیں کہ خطے کے ملک ہم پر بھروسہ کرسکتے ہیں۔

دوسری جانب امریکہ کا اندازہ یہ ہے کہ اردن میں جس ڈرون حملے سے امریکہ کے تین فوجی مارے گئے ہیں ایررانی ساختہ تھا۔ یاد رہے تین امریکی فوجیوں کی ہلاکت کے علاوہ چالیس زخمی بھی ہوئے تھے۔

عراق میں امریکہ کے 2500 فوجی تعینات ہیں جبکہ شام میں 900 امریکی فوجی تعینات کیے گئے ہیں۔ جبکہ شام سے ایران نے اپنی پاسداران انقلاب کور کے افسروں کو واپس بلانے کی خبریں آرہی ہیں