پاکستان
موٹروے پولیس نے امریکی خاتون کو گمشدہ انگوٹھی واپس کردی
سیف سٹی لاہور نے شہری کا گم شدہ پرس بھی ڈھونڈ نکالا اور بتایا کہ جوہر ٹاؤن سے 15 پر ایک شہری سے پرس لینے کے لیے کال موصول ہوئی
لاہور: موٹروے پولیس نے امریکی خاتون کو گمشدہ انگوٹھی واپس کردی۔ ترجمان موٹروے پولیس کا کہنا ہے کہ امریکی خاتون کی انگوٹھی لاہور سے ڈیرہ غازی خان جاتے ہوئے گم ہوگئی۔
تفصیلات کے مطابق خاتون کی انگوٹھی کی مالیت 10 لاکھ روپے تھی جو برآمد کرکے امریکی خاتون کو واپس کردی گئی۔
سیف سٹی لاہور نے شہری کا گم شدہ پرس بھی ڈھونڈ نکالا اور بتایا کہ جوہر ٹاؤن سے 15 پر ایک شہری سے پرس لینے کے لیے کال موصول ہوئی۔
ترجمان موٹڑوے پولیس نے ریمارکس دیئے کہ کال کرنے والے نے کہا کہ پرس میں نقدی، شناختی کارڈ اور اکاؤنٹ ٹرانزیکشن مینجمنٹ (اے ٹی ایم) سمیت دیگر ضروری دستاویزات موجود ہیں۔
پرس ملنے پرپرس کے مالک نے شہری، سیف سٹی حکام اور پولیس کا شکریہ ادا کیا۔
پاکستان
خلیجی مما لک تاجروں کیلئے ویزا فری انٹری کا اعلان
شہباز شریف نے یہ بھی اعلان کیا کہ اسلام آباد، کراچی اور لاہور ایئرپورٹس پر الیکٹرانک گیٹس کا ای سسٹم نافذ کیا جا رہا ہے
اسلام آباد: وزیر اعظم شہباز شریف نے اتوار کو اعلان کیا کہ حکومت نے پاکستان میں غیر ملکی سرمایہ کاری، کاروباری سرگرمیوں اور سیاحت کو فروغ دینے کے لیے خلیجی ممالک کے تاجروں کے لیے ویزا فری انٹری کی منظوری دے دی ہے۔
ایک بیان میں انہوں نے کہا کہ 126 ممالک کے تاجروں، سرمایہ کاروں اور سیاحوں کو 24 گھنٹے کے اندر آن لائن ویزے جاری کیے جائیں گے۔ مزید برآں، انہوں نے کہا کہ ان 126 ممالک کے تاجروں اور سیاحوں کو ویزا فیس سے استثنیٰ حاصل ہوگا۔
وزیر اعظم نے وضاحت کی کہ ویزے کے نظام میں نرمی سے پاکستان کو سرمایہ کاری اور سیاحت کے لیے پرکشش مقام بنانے میں مدد ملے گی۔ انہوں نے مزید کہا کہ تیسرے ممالک کے پاسپورٹ رکھنے والے سکھ یاتریوں کے لیے ویزا آن ارائیول سہولت کے تحت ذیلی زمرہ کی منظوری دی گئی ہے، جس کا مقصد مذہبی سیاحت کو فروغ دینا ہے۔
شہباز شریف نے یہ بھی اعلان کیا کہ اسلام آباد، کراچی اور لاہور ایئرپورٹس پر الیکٹرانک گیٹس کا ای سسٹم نافذ کیا جا رہا ہے۔ انہوں نے اس بات پر زور دیا کہ ویزا پالیسی میں نرمی سے معاشی استحکام اور زرمبادلہ کے ذخائر میں اضافہ ہوگا۔
وزیراعظم نے کہا کہ پاکستان کے مقدس مقامات اور گلگت بلتستان سمیت شمالی علاقہ جات سیاحوں کے لیے جنت تصور کیے جاتے ہیں۔
انہوں نے کہا کہ نئی ویزا نظام کے نفاذ کی نگرانی کے لیے وزارت داخلہ میں ایک ڈیش بورڈ قائم کیا جائے گا۔ یہ ڈیش بورڈ ویزہ فری انٹری، بزنس ویزا کی فہرستوں، اور آمد پر سیاحتی ویزوں کی نگرانی کرے گا، اور باقاعدہ جائزہ رپورٹس فراہم کرے گا۔
انہوں نے نئی ویزا نظام کے حوالے سے وزارت داخلہ اور دیگر متعلقہ ڈویژنوں کی کارکردگی کو سراہا۔
تجارت
پنجاب میں اشیائے خوردونوش مزید مہنگی
برائلر مرغی کا سرکاری ریٹ 589 روپے فی کلو مقرر ہے، زندہ برائلر مرغی کا تھوک ریٹ 392 روپے مقرر کیا گیا ہے
لاہور میں آج بھی برائلرمرغی کی قیمت میں اضافہ دیکھا گیا ہے،برائلرمرغی کےگوشت کی قیمت میں 5روپے فی کلو اضافہ ہوگیا۔
تفصیلات کےمطابق برائلر مرغی کا سرکاری ریٹ 589 روپے فی کلو مقرر ہے، زندہ برائلر مرغی کا تھوک ریٹ 392 روپے مقرر کیا گیا ہے، زندہ برائلرمرغی کاپرچون ریٹ 406روپے فی کلو ہے۔
دوسری جانب ملتان سمیت پورے پنجاب میں حکومتی دعووں اور وعدوں کے باوجود مہنگائی کا جن قابو نہ آسکا ،سستی خریدی ہوئی گندم مہنگی فروخت ہونےلگی، پنجاب اور ضلعی انتظامیہ کے نوٹس کے باجود آٹے کی قیمت کم نہ ہوسکی۔
اول کوالٹی آٹا 4000 روپے من میں فروخت ہونے لگا ، دال ماش کی 550 روپے فی کلو میں فروخت جاری، دال مونگ 350 روپے کلو، سفید چنے کی قیمت 400 روپے کلوہوگئی ،باسمتی چاول اول کوالٹی کی 350 روپے کلو میں فروخت جاری ہے۔
پاکستان
وفاقی وزارت تعلیم نے موسم گرما کی تعطیلات میں اضافہ کردیا
اس حوالے سے وفاقی وزارت تعلیم کا کہنا ہے کہ شدید گرم موسم کے تحت تعطیلات بڑھائی گئی ہیں۔ تعلیمی ادارے 4 اگست تک بند رہیں گے
وفاقی وزارت تعلیم نے موسم گرما کی تعطیلات بڑھا دی ہیں۔
اس حوالے سے وفاقی وزارت تعلیم کا کہنا ہے کہ شدید گرم موسم کے تحت تعطیلات بڑھائی گئی ہیں۔ تعلیمی ادارے 4 اگست تک بند رہیں گے۔
وفاقی وزارت تعلیم کی جانب سے نوٹیفکیشن جاری کردیا گیا ہے۔ جس میں کہا گیا ہے کہ تعلیمی سرگرمیاں 5 اگست سے بحال ہوں گی۔
-
علاقائی ایک دن پہلے
کراچی میں کل 24 گھنٹے گیس بند رہے گی، شیڈول جاری
-
تجارت ایک دن پہلے
پٹرولیم مصنوعات میں مسلسل اضافے کے بعد کمی کا امکان
-
تجارت 6 گھنٹے پہلے
عالمی مارکیٹ میں خام تیل کی قیمتوں میں کمی کے باعث پاکستان میں بھی ریلیف کا امکان
-
تجارت 2 دن پہلے
ملک میں سونے کی قیمت میں ایک بار پھر اضافہ
-
پاکستان 2 دن پہلے
گوگل میپ پر اڈیالہ جیل عمران خان کے نام سے منسوب کر دی گئی
-
تجارت ایک دن پہلے
پیٹرولیم مصنوعات کی قیمتوں میں کمی کا امکان
-
ٹیکنالوجی 2 دن پہلے
الیکٹرک گاڑیوں کا مستقبل خطرے میں؟
-
پاکستان ایک گھنٹہ پہلے
وفاقی وزارت تعلیم نے موسم گرما کی تعطیلات میں اضافہ کردیا