انوارلحق کاکڑ کی جموں و کشمیر کی آزادی کی تحریک میں جانوں کا نذرانہ پیش کرنے والے شہداء کی یاد گار پر حاضری

مظفر آباد: نگران وزیراعظم انوارالحق کاکڑ آزاد جموں و کشمیر کے 2 روزہ دورہ پر مظفر آباد پہنچ گئے ہیں ۔

مظفرآباد پہنچنے پر آزاد جموں و کشمیر کے وزیراعظم چودھری انوار الحق نے وزیر اعظم پاکستان انوار الحق کاکڑ کا پر تپاک استقبال کیا۔

اس موقع پر نگران وزیراعظم انوار الحق کاکڑ نے شہداء گیلری کا بھی دورہ کیا ، نگراں وزیراعظم انوارلحق کاکڑ نے جموں و کشمیر کی آزادی کی تحریک میں جانوں کا نذرانہ پیش کرنے والے شہداء کی یاد گار پر حاضری دی اور پھولوں کی چادر چڑھائی، شہداء کے درجات کی بلندی کیلئے دعا بھی کی۔

یاد رہے کہ انوار الحق کاکڑ آج آزاد کشمیر قانون ساز اسمبلی سے خطاب کریں گے، وزیراعظم پاکستان آزاد کشمیر کی کابینہ کے اجلاس کی صدارت بھی کریں گے۔