پاکستان
بھارت کشمیر میں جو کچھ کر رہا ہےوہ کسی المیہ سے کم نہیں، نگران وزیر اعظم
قائداعظم محمد علی جناح نے کشمیر کو پاکستان کی شہ رگ قرار دیا، کشمیر کے بغیر پاکستان نامکمل ہے، انوار الحق کاکڑ
![بھارت کشمیر میں جو کچھ کر رہا ہےوہ کسی المیہ سے کم نہیں، نگران وزیر اعظم](/media/94691/conversions/789597_71745571-1280x720.jpg)
نگران وزیراعظم انوار الحق کاکڑ نے کشمیریوں کی ان کے حق خودارادیت کیلئے جدوجہد کو منطقی انجام تک پہنچانے کے لئے پاکستان کی حمایت کے غیر متزلزل عزم کا اعادہ کرتے ہوئے کہا ہے کہ بھارت اقوام متحدہ کی قراردادوں اور جموں و کشمیر کے عوام کی خواہشات کے برخلاف کوئی حتمی حل مسلط نہیں کر سکتا،کشمیر میں بھارت جو کچھ کر رہا ہے وہ کسی انسانی المیے سے کم نہیں۔
یوم یکجہتی کشمیر کے موقع پر آزاد کشمیر قانون ساز اسمبلی کے خصوصی اجلاس سے خطاب کرتے ہوئے وزیراعظم انوار الحق کاکڑ نے کہا کہ ہر سال 5 فروری کو پاکستان کی حکومت اور عوام یوم یکجہتی کشمیر مناتے ہیں یہ جموں و کشمیر کے عوام کے ساتھ اظہار یکجہتی کا دن ہے۔ ہر سال ہم جموں و کشمیر کے بھائیوں کے ساتھ جابرانہ غیرملکی قبضہ کے خلاف ان کی حق خودارادیت کیلئے جائز جدوجہد میں شانہ بشانہ کھڑے ہونے کا عہد کرتے ہیں۔
انہوں نے کہا کہ قائداعظم محمد علی جناح نے کشمیر کو پاکستان کی شہ رگ قرار دیا۔ کشمیر کے بغیر پاکستان نامکمل ہے۔ پاکستانی اور کشمیری اٹوٹ رشتوں میں بندھے ہیں، ہمارے خوشی اور غمی کے تہوار ایک ہیں۔ جموں و کشمیر میں جو ہو رہا ہے اس سے الگ نہیں رہ سکتے۔ ہم جموں و کشمیر تنازعہ کے اہم فریق ہیں۔
نگران وزیر اعظم نے کہا کہ بھارت جموں و کشمیر کے عوام کی خواہشات کے برخلاف کوئی حتمی حل مسلط نہیں کر سکتا۔ کشمیر کاز کیلئے ہمارا عزم پختہ ہے۔ تنازعہ کشمیر پاکستان کی خارجہ پالیسی کی ترجیحات میں ہمیشہ شامل رہا ہے جو ایک غیرمتزلزل اتفاق رائے کی عکاسی کرتا ہے۔ ہمارے معاشرے کے تمام طبقات اور قومی ادارے کشمیریوں کے ساتھ کندھے سے کندھا ملا کر کھڑے ہیں اور پوری دنیا میں کشمیریوں کیلئے آواز بلند کر رہے ہیں ہم اقوام متحدہ کی سلامتی کونسل کی قراردادوں اور کشمیری عوام کی امنگوں کے مطابق تنازعہ کشمیر کے حل کیلئے اپنی اخلاقی، سیاسی اور سفارتی حمایت جاری رکھیں گے۔
انہوں نے کہا کہ بھارت خود تنازعہ جموں و کشمیر کو اقوام متحدہ میں لے گیا اور خطے کی متنازعہ حیثیت کو تسلیم کرتے ہوئے اقوام متحدہ نے فیصلہ کیا کہ تنازعہ کشمیر کا حتمی فیصلہ اقوام متحدہ کی زیرسرپرستی آزادانہ اور غیرجانبدارانہ استصواب رائے کے جمہوری طریقے سے کیا جائے گا تاہم اب تک کشمیریوں کو اپنا حق استعمال کرنے کا موقع نہیں دیا گیا۔ بھارت کو استصواب رائے کے حوالے سے پاکستان اور سب سے بڑھ کر کشمیری عوام کے ساتھ اپنے پختہ وعدوں پر عمل کرنا چاہیے۔
انہوں نے کہا کہ بھارت کے غیرقانونی زیرتسلط جموں و کشمیر کی حیثیت سے متعلق بھارتی سپریم کورٹ کا فیصلہ کشمیری عوام کے حق خودارادیت سے انکار کی جانب تازہ ترین قدم ہے ایسے فیصلوں کے ذریعے کشمیری عوام کی امنگوں کو مجروح نہیں کیا جا سکتا اور اس کا کوئی جواز نہیں۔ کشمیریوں نے اس فیصلے کو مسترد کر دیا۔ تنازعہ کشمیر کی حیثیت کو ہمیشہ عالمی قانون کے تناظر میں بیان کیا گیا ہے۔
انوار الحق کاکڑ کشمیریوں کی مقامی جدوجہد آزادی کو دہشتگردی کا غلط لیبل لگا کر کمزور کرنے کی کوشش کر رہا ہے۔ کشمیری اپنے حقوق کے حصول کیلئے بہادری کے ساتھ کھڑے ہیں۔ دہشتگردی اور جدوجہد آزادی میں واضح فرق ہے۔ دہشتگردی ایک عالمی مسئلہ ہے، ریاست کی جانب سے اس کا ارتکاب خوفناک ہوتا ہے۔ بھارت مقبوضہ وادی میں ریاستی دہشتگردی میں ملوث ہے۔ کشمیر میں واحد دہشتگرد بھارت ہے۔
انہوں نے کہا کہ بھارت کو کشمیریوں کو اپنے مستقبل کے فیصلہ کرنے کا حق دینا چاہیے اسے مقبوضہ کشمیر میں بنیادی حقوق اور آزادیوں کو بحال کرنا چاہیے، انسانی حقوق کی خلاف ورزیوں کو روکنا چاہیے، سخت ہنگامی قانون کو منسوخ کیا جائے۔ کشمیری شہروں،قصبوں اور دیہاتوں سے فوج نکالنی چاہیے۔ آبادیاتی ڈھانچہ اور سیاسی منظرنامے کو تبدیل کرنے کیلئے اقدامات کو منسوخ کرنا چاہیے، پرامن اجتماع اور اظہار رائے کی آزادی دینی چاہیے۔ زمینی صورتحال کا مشاہدہ کرنے کیلئے آزاد مبصرین اور انسانی حقوق کے نمائندوں کو اجازت دینی چاہیے۔
پاکستان
آل پارٹیز حریت کانفرنس کے زیر اہتمام ’ کشمیر اسٹراگلز انڈر سیج‘ کے عنوان سے سیمینار کا انعقاد
مسئلہ کشمیر کا واحد حل سلامتی کونسل کی قراردادوں میں مضمر ہے ۔ استصواب رائے کے علاوہ کوئی آپشن قبول نہیں ، شرکاء کا خطاب
![آل پارٹیز حریت کانفرنس کے زیر اہتمام ’ کشمیر اسٹراگلز انڈر سیج‘ کے عنوان سے سیمینار کا انعقاد](/media/116992/conversions/Struggles-Under-Seige-1280x720.jpg)
مظفر آباد : آل پارٹیز حریت کانفرنس آزادکشمیر چپٹر کے زیر اہتمام مظفر آباد میں kashmir struggles under siegeکےعنوان سے سیمپوزیم کا انعقاد کیا گیا۔
سیمپوزیم میں وزیر اعظم آزادکشمیر چوہدر ی انوار الحق ، کنوئینر آل پارٹیز غلام محمد صفی ، سینیٹر مشاہد حسین سید ،وزرائے حکومت ، اظہر صادق ، چوہدری محمد رشید، تقدیس گیلانی ، پیر مظہر سعید شاہ ، سینئر پارلیمنٹیرین قمر زمان کائرہ ، ممبر آل پارٹیز حریت کانفرنس عبدالحمید لون، صدر یوتھ پارلیمنٹ عبید قریشی ، سمیت قائدین حریت کانفرنس ، آفیسران ، طلبا و طالبات ، سول سوسائٹی اور عوام کی بڑی تعداد نے شرکت کی ۔
سٹیج سیکرٹری کے فرائض نائیلہ الطاف کیانی نے انجام دیے جبکہ ممبر آل پارٹیز حریت کانفرنس عبدالحمید لون نے تلاوت کے فرائض سرانجام دئیے ۔
تقریب کے آغاز میں مقبوضہ جموں و کشمیر کی ابتر صورتحال پر شارٹ ڈاکومنٹری دیکھائی گئی جس میں بھارتی مظالم کے متعلق شرکاء کو آگاہ کیا گیا ہے ۔
سیمپوزیم سے وزیر اعظم آزادکشمیر چوہدری انوارالحق نے خطاب کیا اور مسئلہ کشمیر کے ساتھ آزادکشمیر حکومت کی تاریخی کومٹمنٹ بارے شرکاء کو آگا ہ کیا۔
سیمپوزیم سے خطاب کرتےہوئے کنوئنر آل پارٹیز حریت کانفرنس آزادکشمیر چیپٹر غلام محمد صفی نے کہا ہے کہ دنیا میں اصل بڑائی اللہ کی ہے امریکہ اور بھارت سے خوفزدہ نہیں ہونا چاہیے ۔ کشمیر ایشو کے مختلف پہلو ہیں ۔ جدوجہد آزادی کشمیر کا ایک پہلو بھارتی فوج کی جانب سے انسانی حقوق کی پامالیاں اور دوسرا تحریک آزادی کے لیے جدوجہد کرنے والوں کی کوششوں کو موثر بنانا ہے ۔ کشمیریوں کو بھارتی جنگی جرائم کے خلاف اور آزادی کے حق میں آواز اٹھانے کی سزا دی جارہی ہے ۔
کنوئیر آل پارٹیز حریت کانفرنس نے کہاکہ دنیا پر واضح کردینا چاہتے ہیں کہ مسئلہ کشمیر کا واحد حل سلامتی کونسل کی قراردادوں میں مضمر ہے ۔ استصواب رائے کے علاوہ کوئی آپشن قبول نہیں ہے ۔ پاکستان کی حمایت پر ان کے شکر گزار ہیں ۔ آل پارٹیز حریت کانفرنس کا مقصد مقبوضہ جموں وکشمیر کی آواز کو دنیا بھر میں اجاگر کرنا ہے ۔ بھارتی مظالم اور بدترین ریاستی دہشتگردی کو ایکسپوز کرنا اور کشمیریوں کے بنیادی حقوق کے لیے آواز بلند کرنا ہے ۔
انھوں نے کہاکہ پاکستان کو استحکام اسی وقت ملے گا جب کشمیر آزادہو کر پاکستان کے ساتھ جڑ جائے گا ۔کشمیر ،نیوکلیئر پروگرام اور تجارت کے حوالے سے پاکستان کی پالیسی کو سراہتے ہیں۔
غلام محمد صفی نے کہاکہ ہماری ترجیحات میں مسئلہ کشمیر کے پائیدار حل کے لیے جدوجہد اول ترین مقصد ہے ۔ آل پارٹیر حریت کانفرنس مسئلہ کشمیر کا جامع حل چاہتی ہے ۔ انھوں نے کہا کہ ہم حق خودارادیت اور استصواب رائے کے علاوہ کوئی آپشن قبول نہیں کریں گے ۔ ہندوستان سے مکمل آزادی ہماری ترجیحات میں شامل ہے ۔ ہمارا موقف ہے کہ دوطرفہ مذاکرات کے بجائے مسلہ کو بین الاقومی تسلیم شدہ حل یعنی اقوام متحدہ کی قراردادوں کے مطابق حل کیا جانا چاہیے ۔
انھوں نے کہاکہ مسلہ کشمیر پر ایسے کسی فریق کی ثالثی قبول نہیں کریں گے جو بھارت کا سٹریٹیجک پارٹنر ہو۔ بھارت حکمت عملی کے ساتھ ریاستی دہشتگردی میں ملوث ہے ۔ بھارتی جارحیت کو رکوانے کے لیے اور استصوااب رائے کو ہر ممکن طور پر یقینی بنانے کے لیے اقوام متحدہ اور عالمی طاقتیں اقدامات اٹھائیں اور بھارت کو انصاف کے کٹہرے میں کھڑا کریں ۔
سابق وفاقی وزیر ، سنئیر پارلیمنٹیرین اور رہنما پاکستان پیپلز پارٹی قمر زمان کائرہ نے کہاہے کہ پاکستان اور کشمیریوں کا تاریخی رشتہ ہے پاکستان کشمیریوں کے شانہ بشانہ کھڑا ہے ۔ کشمیریوں کو تنہاء نہیں چھوڑا جائےگا۔ ہمیں اپنی خامیوں کو سمجھنا ہوگا اور دشمن کی طاقت کا اندازہ رکھنا ہوگا۔
انھوں نے کہاکہ دنیا میں علم کی قدر ہے علم کے بلبوتے پر حاکمیت قائم ہوتی ہے ۔ نوجوانوں کو تعلیم کی طرف راغب ہونا ہوگا۔ ہم علم کے میدان میں مہارت اور دسترس حاصل کریں گے تو دنیا ہماری بات سنے گی ۔ ہماری اجارہ داری قائم ہوسکے گی ۔ انھوں نے کہا کہ پیپلز پارٹی کی بنیاد جدوجہد آزادی کشمیر پر رکھی گئی تھی ۔ ہمیں معاشرتی اور قومی سطح پر ٹھیک ہونا ہوگا ۔
سابق وفاقی وزیر نے کہاکہ مستحکم پاکستان سے ہی مسلہ کشمیر کو منطقی انجام تک پہنچایا جاسکتاہے ۔ اگر پاکستان مضبوط ہوگا تو دنیا پاکستان کی بات سنے گی ۔ انھوں نے کہاکہ ہم میں برداشت کم ہو گئی ہے ۔ ہمیں مکالمہ کرنا چاہیے ۔ انفارمیشن ایج میں چیزیں تیزی سے تبدیل ہورہی ہیں ۔ عوام کو مسئلہ کشمیر سے حقیقی آگاہی حاصل کرنا ہوگی ۔ دنیا میں نیریٹیو کی جنگ لڑی جارہی ہے۔
انھوں نے کہاکہ تشدد سے کنارہ کشی ہی معاشرہ کو بہتری کی طرف لا سکتی ہے ۔ کشمیریوں کی پرامن جدوجہد آزادی ضروری رنگ لائے گی ۔ ہمیں اپنے بیانیہ کو مضبوط اور ٹھوس بنانا ہوگا ۔ دنیا میں پاور ز کا کردار ہوتا ہے ۔ دنیا کی پاورز ہی دنیا کے فیصلے کرتی ہیں ۔ جب تک پاوں پر کھڑے نہیں ہوں گے دنیا ہماری بات کو ترجیح نہیں دے گی ۔
سابق سینٹر پاکستان مشاہد حسین سید نے سیمپوزیم سے خطاب کرتےہوئے کہاہے کہ بھارت ریاستی دہشتگردی مین ملوث ہے ، بھارت کےساتھ 5 اگست 2019 کے بعد سے تجارت بند کردی گئی ہے ۔ بھارت جب تک مقبوضہ جموں وکشمیر کی خصوصی حیثیت بحال نہیں کرتا پاکستان بھارت کے ساتھ نہ ہی کسی طرح کی بھی تجارت کرے گا اور نہ ہی بھارت کے ساتھ مسلہ کشمیر پر مذاکرات کیے جائیں گے۔
انھوں نے کہاکہ دنیا میں سپرپاورز کے توازن بدل رہے ہیں ۔ چین مضبوط ہورہا ہے اور مغرب زوال پذیر ہے ۔ بنگلہ دیش میں بھارت نواز حکمرانوں کو شکست اور نیپال میں بھی بھارت کا اثر و رسوخ کم ہوا ہے۔ دیگر پڑوسی ممالک بھی پاکستان اور چین کے قریب آرہے ہیں ۔ پاکستان نیوکلئیر پاور ، مسئلہ کشمیر اور مسئلہ فلسطین پر کبھی بھی کمپرومائز نہیں کرے گا۔ پاکستان کی سول و ملٹری قیادت کشمیریوں کے ساتھ کھڑی ہے۔ ہم بھارت کے حوالے سے ابہام سے پاک پالیسی پر عمل پیرا ہیں ۔ ہم نے دنیا پر واضح کیا ہوا ہے کہ ہم کشمیریوں کی سیاسی سفارتی اور اخلاقی حمایت جاری رکھیں گے ۔
انھوں نے کہا کہ ہم کشمیریوں کی ہر محاز پر موثر آواز ہیں اور مستقبل میں بھی ہم کشمیریوں کی بھرپور وکالت کے لیے ہر ممکن کردار ادا کریں گے ۔ بھارت نے اپنے پائوں پر کلہاڑی ماری ہے ۔ 5 اگست کے اقدام کے بعد چین اب کشمیر کے آکسائی چن میں ایک پارٹی کے طور پر سامنے آیا ہے ۔
انھوں نے کہاکہ کشمیریوں کو تنہا نہیں چھوڑیں گے ۔ ایگزیکٹو ڈائریکٹر کامسٹ یونیورسٹی ، ایمبسڈر ڈاکٹر محمد نفیس ذکریا نے وڈیو لنک خطاب میں کہا ہے کہ میڈیا اور ڈیجیٹل میڈیا کا کردار مثالی ہے ہمیں یہ یاد رکھنا چاہیے کہ بھارت کی حکمران جماعت بی جے پی آر ایس ایس کا ایک سیاسی ونگ ہے ۔ گلبھوشن یادو ، احسان اللہ احسان کا کردار اور ٹی ٹی پی کو بھارتی فنڈنگ ، دراصل یہ بھارت کے پاکستان میں دہشتگردی میں ملوث ہونے کے ٹھوس ثبوت ہیں ۔ بھارت مقبوضہ کشمیر اور بھارت میں مسلمانوں کی نسل کشی کررہا ہے بابری مسجد اور گجرات میں مسلم کش واقعات کی ایک طویل داستان ہے یہ بھارتی حکومت کی مسلم کش پالیسی کی زندہ مثالیں ہیں ۔ بھارت نے نام نہاد جمہوریت کا لبادہ اوڑھ رکھا ہے ۔ 2019 کے بعد بھارت نے کشمیر کی آبادی کی ہئیت کو تبدیل کرنے کی کوشش کی ہے ۔ گمُنام قبریں ، جبری گمشدگیاں اور پیلٹ گنز کا استعمال بھارت کی کشمیر ی کش پالیسی ہے ۔
انھوں نے کہاکہ مسلہ کشمیر سلامتی کونسل کے ایجنڈے پر موجود ہے ۔ افسوسناک امر ہے کہ 1947 میں کشمیر کی مسلم آبادی 79 فیصد تھی جو اب فقط 68 فیصد رہ گئی ہے ۔ مقبوضہ کشمیر میں گمشدگیوں اور گم نام قبروں کی ایک طویل داستانیں ہیں جنہیں کبھی بھی نطر انداز نہیں کیا جاسکتاہے ۔ 2016 میں بھارت نے مقبوضہ کشمیر میں پیلٹ گنز کا استعمال کیا ہے ۔بھارت بین الاقوامی قوانین کی خلاف ورزیاں کررہا جس پر بھارت کی باز پر س ہونی چاہیے ۔ انھوں نے کہاکہ پاکستان اپنے کشمیری بہن بھائیوں کے ساتھ کھڑا رہے گا۔ مسلہ کشمیر کے پائیدار حل تک جدوجہد جاری رہے گی ۔
سیکرٹری جنرل آل پارٹیز حریت کانفرنس ایڈووکیٹ پرویز شاہ نے اپنے خطاب میں سیمپوزیم کے اغراض و مقاصد بارے آگاہ کیا اور کہا کہ آل پارٹیز حریت کانفرنس کشمیریوں کی آواز ہے ۔ شہدا کی قربانیوں کو رائیگاں نہیں جانے دیں گے ۔ کشمیریوں کے جذبےبلند ہیں ۔ پاکستان نے ہمیشہ مسلہ کشمیر کو بین الاقوامی فورمز پر اجاگر کرنے کے لیے بھرپور کردار ادا کیا ہے، پاکستان کی کشمیر پالیسی کو سراہاتے ہیں ۔
انہوں نے کہاکہ بھارتی فوج مقبوضہ وادی میں نوجوانوں کو بدترین مظالم کا نشانہ بنا رہی ہے ۔ نوجوان تحریک آزادی کو موثر انداز میں لیڈ کررہے ہیں ۔ نوجوانوں کی جدوجہد رنگ لائے گی ۔ بین الااقوامی کمیونٹی مسلہ کشمیر کے حل کے لیے کردار ادا کرے۔
لندن سے حریت لیڈر مزمل ٹھاکر نے سیمینار سے اپنے وڈیو لنک خطاب میں کہا کہ حریت قیادیت کے کردار کو سرہانا ہوگا حریت قیادت کشمیریوں کی بھرپور اور موثر آواز ہے کشمیریوں کی انگنت قربانیاں ہیں کشمیری اپنی مسلم اور کشمیر شناخت کے لیے لڑرہے ہیں ۔ بھارت کی ہندتوا نواز حکومت مسلم کش پالیسی پر عمل پیرا ہے ہمیں بیانیہ کی جنگ لڑنا ہوگی ۔ اگر بیانیہ موثر نہ ہوا اور تقاضے جدید نہ ہوئے تو بھارت بین الاقوامی رائے عامہ کو اپنے حق میں موڑ سکتا ہے۔
انھوں نے کہا کہ قائد حریت سید علی گیلانی کی تحریک آزادی کے لیے قربانیوں کو سلام پیش کرتے ہیں۔
ڈائریکٹر کشمیر ایکشن نیٹ ورکس کیرن فیسڈر نے سیمپوزیم سے وڈیو لنک خطاب میں کہا ہے کہ بھارت ٹرانسنیشل ریپریشن مین ملوث ہے ، بین الاقوامی دہشتگردی اب بھارت کا تعارف بن گیا ہے ۔ بھارت مقبوضہ جموں وکشمیر میں کھلی دہشتگردی کررہا ہے ۔ بھارت مقبوضہ جمون و کشمیر کے لیے دنیا میں اٹھنے والی آوازوں کو دبانے کے لیے بین الاقوامی سفارتی ، سیاسی اور بدنام زمانہ دنیاکی خفیہ ایجنسیوں کے محاز کو جارحیت کے طور پر استعمال کررہا ہے ۔ لوگوں کو دبائو میں لانے کی کوشش کی جاتی ہے ۔ کشمیریوں کو بیرون ملک کشمیر میں جاری مظالم کے لیے آواز اٹھانے پر واپس بھارت جانے پر سیاسی مقدموں کا سامنا کرنا پڑتاہے
۔ تقریب سے خطاب کرتے ہوئے یوتھ پارلیمنٹ کے صد رعبید قریشی نے کہا کہ آزادکشمیر کی حکومت اور آل پارٹیز حریت کانفرنس سیمیت اوورسیز کشمیریوں کا مسلہ کشمیر کو اجاگر کرنے کے لیے کردار مثالی رہا ہے ۔ ہمیں ملکی مفاد عزیز رکھنا چاہیے ۔ مختلف نظریات کے باوجود ہمیں سیاسی نظریات سے بالاتر ہو کر قومی مفاد کو ترجیح بنانا چاہیے ۔
انھوں نے کہا کہ مقبوضہ جموں و کشمیر کے لیے ڈیجیٹل وار کو موثر بنانا ہوگا ۔ نوجوان مسلہ کشمیر کو ڈیجیٹل فورمز پر اجاگر کرنے کے لیے اقدامات اٹھائیں ۔ دنیا میں کشمیر کاز کی آواز بنیں اور دنیا کے بدلتے تقاضوں کے مطابق خود کو بھی بدلیں۔
دنیا
شکاگو :ریلوے اسٹیشن پر نامعلوم حملہ آور کی فائرنگ، 4 مسافرہلاک
تین افراد کو موقع پر ہی مردہ قرار دیا گیا جبکہ چوتھے شخص نے ہسپتال پہنچنے سے قبل دم توڑ دیا
![شکاگو :ریلوے اسٹیشن پر نامعلوم حملہ آور کی فائرنگ، 4 مسافرہلاک](/media/116989/conversions/Chicago-Railway-1280x720.jpg)
شکاگو : امریکی ریاست شکاگو میں ایک ریلوے اسٹیشن پر نامعلوم حملہ آور نے اندھا دھند فائرنگ کر کے 4 مسافروں کو ہلاک کر دیا۔
یہ واقعہ فار ایسٹ پارک بلیو لائن اسٹیشن پر پیش آیا۔ پولیس کے مطابق فائرنگ کے وقت چاروں مسافر سو رہے تھے۔ تین افراد کو موقع پر ہی مردہ قرار دیا گیا جبکہ چوتھے شخص نے ہسپتال پہنچنے سے قبل دم توڑ دیا۔
پولیس حکام نے سکیورٹی فوٹیج کا جائزہ لینے کا حوالہ دیتے ہوئے کہا کہ فی الحال متاثرین کی شناخت ممکن نہیں ہو پائی ہے۔ تاہم بعد ازاں ایک مشتبہ شخص کو ٹرین پر ہونے والی فائرنگ کے سلسلے میں گرفتار کیا گیا ہے۔
فاریسٹ پارک کے ڈپٹی چیف کرس چن نے ایک نیوز کانفرنس میں بتایا کہ ایک مشتبہ شخص کو حراست میں لے لیا گیا ہے اور ایک ہتھیار برآمد کیا گیا ہے۔
پاکستان
حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا
سرکاری ملازمین حکومت کی اجازت کے بغیر کسی بھی میڈیا پلیٹ فارم پر کوئی بیان نہیں دے سکتے، ہدایات
![حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا](/media/116985/conversions/SocialMediaApps-1280x720.jpg)
اسلام آباد: حکومت نے سرکاری ملازمین کو سوشل میڈیا پلیٹ فارمز پر بات کرنے سے روک دیا۔
اسٹیبلشمنٹ ڈویژن کی جانب سے جاری ہدایات کے مطابق سرکاری ملازمین حکومت کی اجازت کے بغیر کسی بھی میڈیا پلیٹ فارم پر کوئی بیان نہیں دے سکتے۔ اس کے علاوہ سرکاری ملازمین کو سرکاری معلومات کو کسی غیر مجاز شخص یا میڈیا کے ساتھ شیئر کرنے سے بھی روک دیا گیا ہے۔
مراسلے کے مطابق سرکاری ملازمین میڈیا یا سوشل میڈیا پر کوئی ایسی بات نہیں کر سکتے جس سے حکومت کی ساکھ متاثر ہو۔ سرکاری ملازمین کو حکومتی پالیسیوں اور ملک کی سالمیت کے خلاف بات کرنے کی اجازت نہیں ہوگی۔
مراسلے میں مزید کہا گیا کہ سرکاری ملازمین کو دوسرے ممالک کے ساتھ تعلقات متاثر کرنے والے بیانات نہیں دے سکتے۔ سرکاری ملازمین کو سوشل میڈیا پر کسی بھی بحث میں غیر جانبدار رہتے ہوئے رائے دینے کی اجازت نہیں ہوگی۔
پابندی کے باوجود سرکاری ملازمین کی جانب سے سوشل میڈیا کا استعمال#GNN #BreakingNews #NewsUpdates #GNN_Updates pic.twitter.com/7lSdE3c3wx
— GNN (@gnnhdofficial) September 3, 2024
مراسلے میں سرکاری ملازمین سے کہا گیا کہ اگر کوئی سرکاری ملازم ان ہدایات کی خلاف ورزی کرتا ہے تو اس کے خلاف سخت کارروائی کی جائے گی۔
سرکاری ادارے اپنے سوشل میڈیا پلیٹ فارمز سے قابل اعتراض مواد ہٹانے کے لیے مسلسل نگرانی کرتے رہیں اور تمام وفاقی سیکرٹری، ایڈیشنل سیکرٹری، محکموں کے سربراہان اور چیف سیکرٹریزہدایات پر عملدرآمد یقینی بنائیں۔
حکومت کا کہنا ہے کہ ان ہدایات کا مقصد سوشل میڈیا کے مثبت استعمال پر پابندی لگانا نہیں ہے بلکہ سرکاری رازوں کی افشاگری اور حکومت کی ساکھ کو نقصان پہنچانے سے روکنا ہے۔
-
جرم ایک دن پہلے
اڈیالہ جیل میں قیدیوں کے درمیان جھگڑا، کٹر کے وار سے ایک شخص زخمی
-
پاکستان 51 منٹ پہلے
سردار اختر مینگل کا قومی اسمبلی کی رکنیت سے مستعفی ہونے کا اعلان
-
پاکستان 2 دن پہلے
ماہر معاشیات ڈاکٹر قیصر بنگالی مستعفی ہو گئے
-
دنیا 21 گھنٹے پہلے
عراق میں 27 سال بعد مردم شماری، ملک بھر میں 20 اور 21 نومبر کوکرفیو نافذ
-
تجارت 2 دن پہلے
پیٹرولیم مصنوعات کی قیمتوں میں کمی کا اعلان
-
تجارت ایک دن پہلے
گورنر اسٹیٹ بینک کو ماہانہ 40 لاکھ روپے تنخواہ دیے جانے کا انکشاف
-
پاکستان 5 گھنٹے پہلے
حکومت نے سرکاری ملازمین کو سوشل میڈیا پلیٹ فارم پر بات کرنے سے روک دیا
-
پاکستان 2 دن پہلے
سابق سینیٹر مشتاق احمداوران کی اہلیہ کو غزہ مارچ کے پیش نظر حراست میں لے لیا گیا