الیکشن کمیشن کا میڈیا نمائندگان کو انتخابات سے متعلق معلومات فراہم کرنے کا حکم

الیکشن کمیشن نے حکم دیا ہے کہ انتخابات 2024 سے متعلق تمام تر معلومات فراہم کی جائیں

چاروں صوبائی الیکشن کمشنر کو مراسلہ لکھتے ہوئے ترجمان الیکشن کمیشن نے کہا ہے کہ عام انتخابات 2024 کی تیاریاں عروج پر ہیں، تمام صوبائی الیکشن کمشنرز اور ترجمان متعلقہ میڈیا ٹیموں کے ساتھ باقاعدگی سے رابطہ کریں۔

ترجمان کا کہنا ہے کہ صحافیوں کو عام انتخابات 2024 کے حوالے سے مختلف سرگرمیوں کے بارے میں الیکشن کمیشن کی تیاریوں سے آگاہ رکھا جائے۔

واضح رہے کہ پاکستان میں عام انتخابات کے لیے پولنگ کل ہو گی، ووٹرز قومی اور صوبائی اسمبلیوں کے 855 حلقوں میں امیدوار چنیں گے۔ملک بھر میں رجسٹرڈ ووٹرز کی تعداد 12 کروڑ 85 لاکھ 85 ہزار 760 ہے۔

ملک بھر میں 90 ہزار 675 پولنگ اسٹیشن قائم کیے گئے ہیں جبکہ 14 لاکھ 90 ہزار انتخابی عملہ ڈیوٹی دے گا۔