چیف ای سی پی کا موبائل فون سروس کی معطلی پر ردعمل

اسلام آباد: چیف الیکشن کمشنر (سی ای سی) سکندر سلطان راجہ نے کہا ہے کہ الیکشن کمیشن آج (جمعرات) موبائل اور انٹرنیٹ سروس کی معطلی سے متعلق وزارت داخلہ کو کوئی ہدایات نہیں دے گا۔

تفصیلات کے مطابق چیف الیکشن کمشنر نے سوال کیا کہ اگر ہم کہیں موبائل اور انٹرنیٹ سروس کھول دیتے ہیں اور دہشت گردی کا واقعہ ہوتا ہے تو اس کا ذمہ دار کون ہوگا؟

سکندر نے کہا کہ بلوچستان میں کل (بدھ کو) دہشت گردی کے واقعات ہوئے، اس لیے سکیورٹی کی صورتحال کا جائزہ لینا وزارت داخلہ اور ایجنسیوں کا کام ہے۔ انہوں نے کہا کہ امید ہے کہ انتخابات کا عمل محفوظ اور درست طریقے سے مکمل ہوگا۔

واضح رہے کہ وزارت داخلہ کے ترجمان کا کہنا تھا کہ ملک بھر میں انٹرنیٹ اور موبائل سروس کو عارضی طور پر بند کرنے کا فیصلہ کیا گیا ہے۔