رواں سال کا پہلا مکمل چاند گرہن آج ہوگا

تفصیلات کے مطابق مئی کے چاند کو سپر فلاور بلڈ مون کا نام دیا گیا ہے، چاند گرہن کے دوران 14منٹ کے لئے چاند سرخ رنگ کا نظر آئے گا۔پاکستانی وقت کے مطابق چاند گرہن کا آغاز دن میں 11 بج کر 39 منٹ پر ہوگا، مکمل چاند گرہن 4 بج کر 11 منٹ پر ہوگا۔ چاند گرہن کا اختتام شام چھ بج کر پانچ منٹ پر ہوگا۔چاند گرہن دن میں ہونے کے باعث پاکستان میں دکھائی نہیں دے گا۔ چاند گرہن آسٹریلیا،ہانگ کانگ،ٹوکیو میں نظر آئے گا، اور 14 منٹ کے لئے یہ چاند سرخ ہو جائے گا۔جزوی چاندگرہن شکاگو،ارجنٹائن اور بیجنگ  میں ہوگا۔

خیال رہے بڑا چاند یا سپر مون  ایسے چاند کو کہا جاتا ہے جب چاند کے مرکز اور زمین کے مرکز کے درمیان فاصلہ 357.461 کلو میٹر ہوجائے۔ اور رواں سال کا چاند گرہن   ڈھائی برس میں پہلی بار مکمل چاند گرہن ہونے جارہا ہے۔