کورونا وائرس : مردان کے مختلف علاقوں میں اسمارٹ لاک ڈاؤن نافذ

تفصیلات کے مطابق صوبائی حکومت کی جانب سے جاری  اعلامیہ کے مطابق کورونا کیسز سے متاثرہ مردان کے 9 علاقوں میں آئندہ 14 روز تک اسمارٹ لاک ڈاؤن نافذ رہے گا۔مردان کے  جن  علاقوں میں اسمارٹ لاک ڈاؤن لگایا گیا ہے ان میں  تخت  بائی ، گوجرگڑھی، تھرکان بابا،سیدان خیل محب بانڈہ کے بعض علاقہ جات  جبکہ مسلم  آباد، کٹہ خٹ،  رستم ، کاٹلنگ کے بعض علاقے بھی شامل ہیں  ۔

اعلامیے کے مطابق متاثرہ علاقوں میں ہر قسم نقل وحرکت پر پاپندی ہوگی  جبکہ اشیاء خوردنوش و میڈیکل سروسز کی فراہمی سمارٹ لاک ڈاون سے مستشنی  ہو گی ،  متاثرہ علاقوں میں روزانہ کی بنیاد پر صفائی ستھرائی، جراثیم کش سپرے اور گندگی اٹھائی جائیگی۔ مردان میں 24  گھنٹوں میں وبا ءسے 3افراد جاں  بحق ہوئے جبکہ 96 مثبت کیسز  رپورٹ ہوئے ۔  24 گھنٹوں میں وباء کی شرح15.81 فیصد رہی ۔ ان  علاقوں میں اسمارٹ لاک ڈاؤن کے نفاذ کا نوٹیفکیشن جاری کر دیا گیا ہےجہاں ایس او پیز پر سختی سے عمل کروایا جائے گا تاکہ بڑھتے کورونا کیسز پر قابو پایا جا سکے۔

دوسری جانب  ملک بھر  میں کورونا کیسز کے واقعات اور اموات  میں کمی  کا رجحان ہے۔ کورونا وائرس کے سبب گزشتہ 24 گھنٹے کے دوران پاکستان میں مزید 65 اموات اور 2 ہزار 724 کیسز رپورٹ ہوئے ہیں۔خیبرپختون خوا میں کورونا وائرس سے متاثرہ مریضوں کی تعدادایک لاکھ 30ہزار644ہوچکی ہے ۔ صوبے میں 3990افراد چل بسے۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ  24گھنٹوں میں  4686فرادکوروناوائرس کوشکست دےچکے ہیں۔ ملک بھر میں اب تک 8لاکھ 27 ہزار843مریض کورونا کو شکست دے چکے ہیں ۔ این سی اوسی کے مطابق ملک بھرمیں گزشتہ24گھنٹوں  میں59ہزار76ٹیسٹ کئےگئے، ملک بھرمیں اب تک ایک کروڑ29لاکھ43ہزار620ٹیسٹ ہوچکےہیں۔