عازمین حج کی سہولت کیلئے ایک ایپ کااجرا ء کر دیا گیا ،وزیر مذہبی امور

وزیر مذہبی امور  انیق احمد نے کہا ہے کہ عازمین حج کی سہولت کیلئے ایک ایپ کا آغاز کیا گیا ہے۔

انہوں نے آج (ہفتہ) کراچی میں نئے حاجی کیمپ کے دورے کے موقع پر میڈیا سے گفتگو کرتے ہوئے کہا کہ اس ایپ کے ذریعے عازمین حج کو حج پرواز سے لے کر سعودی عرب میں ان کے قیام تک مکمل رہنمائی فراہم کی جائیگی اور عازمین حج کی تربیتی وڈیوز سمیت دیگر تمام متعلقہ تفصیلات اس ایپ پر دستیاب ہوںگی۔

نگران وزیر نے کہا کہ تمام عازمین حج کو ایک ہی رنگ کے مفت کیو آر کوڈ والے سوٹ کیس فراہم کئے جائیںگے تاکہ وہ آسانی سے اپنے سامان کو تلاش کرسکیں۔انہوں نے کہاکہ تمام عازمین کو سعودی کمپنی کی موبائل فون سم مفت فراہم کی جائیگی جس میں بین الاقوامی کالز کیلئے ایک سو اسی منٹ موجود ہوںگے۔