آئی سی سی کی نئی ون ڈے رینکنگ ، بابر اعظم کی پہلی پوزیشن برقرار

انٹرنیشنل کرکٹ کونسل (آئی سی سی) کی رینکنگ کے مطابق  بلے بازوں کی پہلی 10پوزیشنز پر کوئی تبدیلی نہیں ہوئی ہے۔پاکستان کے بابر اعظم کی پہلی، ویرات کوہلی کی دوسری اورروہت شرما کی تیسری پوزیشن برقرار ہے۔ پاکستان بلے باز فخر زمان ساتویں نمبر پرموجود ہیں۔

نئی رینکنگ کے  مطابق  کوئی پاکستانی ٹاپ 10باؤلرز کی فہرست میں شامل نہیں ہے۔نیوزی لینڈ کے ٹرینٹ بولٹ پہلے، بنگلا دیش کے مہدی حسن دوسرے اور افغانستان کے مجیب الرحمان تیسرے نمبر پرہیں۔جبکہ فاسٹ بالر محمد عامر ٹاپ ٹین کی فہرست سے باہر ہوگئے ہیں ۔