الیکشن2024 ، این اے 88 پی ایس 18 اور پی کے 90 میں ری پولنگ جاری

88 الیکشن کمیشن کے احکامات پر قومی اسمبلی کے حلقے این اے  خوشاب، سندھ اسمبلی کے حلقے پی ایس 18 گھوٹکی اور خیبرپختونخوا اسمبلی کے حلقے پی کے 90 کوہاٹ میں ری پولنگ جاری ہے۔

تفصیلات کے مطابق خوشاب سے قومی اسمبلی کے حلقہ 188 میں الیکشن کمیشن کے حکم پر 28 پولنگ اسٹیشنز پر ری پولنگ شروع ہوگئی۔ شہری شام پانچ بجے تک اپنا حق رائے دہی استعمال کرسکیں گے۔ پولیس نے ریٹرننگ آفس کو ریڈ زون ڈکلیر کردیا۔ 8فروری کو آراو آفس میں بیلٹ باکس کو آگ لگا دی گئی تھی۔

پی ایس18 گھوٹکی اوباڑو کے 2پولنگ اسٹیشنز پر ری پولنگ جاری ہے، پولنگ اسٹیشن161 اور162پر بیلٹ باکس چوری ہونے پر آج پولنگ ہورہی ہے، آزاد امیدوار جام مہتاب ڈہر اورپی پی امیدوار شہریارشر مدمقابل ہیں۔

آزاد امیدوارجام مہتاب 56ہزار285ووٹ لے کر آگے جبکہ پیپلزپارٹی کے امیدوار شہریارخان شر54ہزار705ووٹ لے کر پیچھے ہیں۔ دونوں پولنگ اسٹیشنزپر رجسٹرڈ ووٹرز کی تعداد3308ہے۔