پاکستان تحریک انصاف کے وفد کی قومی وطن پارٹی کے چیئرمین آفتاب شیر پاؤ سے ملاقات

پاکستان تحریک انصاف کے وفد کی قومی وطن پارٹی کے چیئرمین آفتاب شیر پاؤ سے ملاقات ہوئی، جس میں انتخابات سے متعلق امور پر دوطرفہ بات چیت ہوئی۔

پی ٹی آئی کا وفد اسد قیصر کی سربراہی میں قومی وطن پارٹی کے چیئرمین آفتاب شیر پاؤ سے ملاقات کے لیے ان کی رہائش گاہ گیا، پی ٹی آئی وفد میں اسد قیصر سمیت شوکت یوسفزئی اور بیرسٹر سیف شامل تھے۔

قومی وطن پارٹی کے وفد کی قیادت آفتاب احمد خان شیر پاؤ نے کی، ان کے وفد میں مرکزی سیکرٹری جنرل احمد نواز جدون، حاجی غفران، نائب چیئرمین ہاشم بابر اور صوبائی چئیرمین سکندر حیات خان شامل ہیں۔

پی ٹی آئی وفد نے بانی پی ٹی آئی عمران خان کا پیغام آفتاب احمد خان شیر پاؤ کو پہنچایا اور کہا کہ  ملک بھر میں عام انتخابات میں جس دھاندلی ہوئی چاہتے ہیں آپ ساتھ دیں اور دھاندلی کیخلاف احتجاج میں آفتاب شیرپاؤ کوساتھ چلنے کی پیش کی ۔

جمہوری وطن پارٹی کے چیئرمین آفتاب احمد خان شیر پاؤ نے خیبرپختونخوا میں انتخابات پر اپنے تحفظات کا اظہار کیا۔