بچوں کیلئے آن لائن تعلیمی کورس شروع کیا جائے،صدر مملکت

صدر مملکت ڈاکٹر  عارف علوی نے ملک کو ترقی کی راہ پر ڈالنے کیلئے پاکستان کے عوام سے مستحکم رہنے کی درخواست کی ہے ۔ 

اسلام آباد  تقریب سے خطاب کرتے ہوئے ڈاکٹر عارف علوی نے خواتین اور معاشرے کے محروم طبقے کی مالی شمولیت کی اہمیت کو اجاگر کیا ،  انہوں نے کہا کہ جو ممالک ہر شعبے میں شمولیت کو یقینی نہیں بناتے وہ ترقی نہیں کرتے۔ انہوں نے کہا کہ خواتین کا وارثت میں حق اسلام میں متعین ہے۔

صدر مملکت  نے کہا کہ پاکستان ایک متحرک معاشرہ ہے اور اس میں ترقی کرنے کیلئے تمام ترصلاحتیں موجود ہیں۔

صدر مملکت نے سکول جانے سے محروم دوکروڑ ساٹھ لاکھ بچوں کے حوالے سے  کہا کہ ان بچوں کو تعلیم سے بہرہ ور کرنے کیلئے آن لائن تعلیمی کورس شروع کیا جائے۔