آئین پاکستان میں ہر صورتحال سے نکلنے کا راستہ موجود ہے، نگران وزیر اطلاعات

نگران وفاقی وزیر اطلاعات، نشریات و پارلیمانی امور مرتضیٰ سولنگی نے کہا ہے کہ قومی اسمبلی کا اجلاس بلانے میں کوئی تعطل یا ڈیڈلاک نہیں، آئین کے تحت انتخابات کے بعد قومی اسمبلی کا اجلاس 29 فروری تک بلایا جا سکتا ہے، سیاسی جماعتوں کے درمیان کسی قسم کا اتفاق رائے پیدا نہیں ہوتا تو آئین میں اس کا راستہ موجود ہے۔

پارلیمنٹ ہائوس کے باہر میڈیا سے گفتگو کرتے ہوئے وفاقی وزیر اطلاعات نے کہا کہ آئین کے تحت انتخابات کے بعد قومی اسمبلی کا اجلاس 29 فروری تک بلایا جا سکتا ہے جس میں ابھی چند دن باقی ہیں۔ انہوں نے کہا کہ یہ معمول کی کارروائی ہے، اس میں کسی قسم کا تعطل یا ڈیڈلاک نہیں۔ آئین پاکستان میں ہر صورتحال سے نکلنے کا راستہ موجود ہے۔

وفاقی وزیر اطلاعات نے کہا کہ وفاقی وزیر نے کہا کہ منقسم پارلیمان ہے، کسی سیاسی جماعت کے پاس سادہ اکثریت نہیں، سیاسی جماعتوں کے درمیان مذاکرات چل رہے ہیں۔ انہوں نے کہا کہ آئین پاکستان خاصا جامع اور مفصل ہے، فرض کریں کہ سیاسی جماعتوں کے درمیان کسی قسم کا اتفاق رائے پیدا نہیں ہوتا تو آئین میں اس کا راستہ موجود ہے۔

وہ لوگ جو مختلف طرح سے لوگوں کی خدمت کرتے ہیں، ان کے لئے آواز بلند کرنی چاہئے، وہ شاعر، موسیقار، فنکار، ڈرامہ نگار جو کروڑ پتی نہیں، ان کی خدمات کا اعتراف ہونا چاہئے۔ انہوں نے کہا کہ اشرافیہ کے کلبز کو بھی چاہئے کہ وہ ایسے افراد کی خدمات کا اعتراف کریں، کسی کو رکنیت دیتے وقت صرف پیسے کو نہ دیکھا جائے، خدمات کو بھی دیکھا جائے۔